MZP Serchhip in zirlaite chawimawi

Mizo Zirlai Pawl (MZP) Hqrs. Serchhip chuan nimin May 29, 2014 khan kumin a HSLC leh HSSLC exam result chhuaka Serchhip District chhunga zirlai ti\hate chawimawina hun an hmang.
MZP Hqrs. in zirlai ti\hate chawimawina hun Serchhip Hmar Veng YMA Hall-a an buatsaih hi Hrangturzo bialtu MLA, Pi Vanlalawmpuii chuan khuallian nia hmanpuiin Mizo nula leh tlangval, lehkha thiam tam tak ten an thiamna leh finna te Mizoram tana hmang lova ramdanga an hmang \hin chu pawi a tih thu a sawi a, zirlai te chu an zirchhuah hunah pawh Mizoram tan ngeia an zirchhuah thiamna leh finna te hman tum tura chahin, taimakna leh tumruhna nena lehkha hi zir tur a ni thu leh a hnu a inchhir leh hian sawtna a nei ngailo tih hria a tum nei sa chunga lehkha zir turin a chah bawk. MZP in zirlai ti\hate an chawimawina hun hi MZP Hqrs. Ser-chhip Vice President, H. Lallawmkima’n kaihruaiin MZP Hqrs. Serchhip President, T. Biakchamliana chuan in-lawmna thu a sawi a, MZP Gen. Hqrs. a\angin Gen. Secretary, L. Ramdinliana Renthlei chuan he hun hi a rawn hmanpui bawk a ni. MZP Hqrs. Serchhip hian Serchhip District chhunga kumin a HSLC Exam-a Distinction-a pass mi 8 leh HSSLC Exam-a First Division-a pass chin mi 48, an vaiin mi 56 te hnenah chawimawina hi an hlan a ni.

Popular News