Mizoram-a RTI Dan hman a nih hnuah zawhna zawt 4222 awmin SPIO 3 hrem an ni.

Mizoram-ah Right To Information (RTI) Act hman a nih a\angin he Dan hmanga zawhna 4222 a awm tawh a, hetihlai hian Mizoram Information Commission chuan State Public Information Officer 3 te hremna a pe tawh bawk.
Right To Information (RTI) Act hi June ni 15, 2005 khan Parliament-in a pawmpui hnuah October ni 12, 2005 atangin Jammu & Kashmir tihloh ramchhung State dang zawngah hman \an nghal niin Mizoram-ah chuan kum 2006- 2007 a\angin hman \an a ni a. He dan hman a nih a\ang hian State Information Commission din nghal niin Sorkar department tinah RTI Act-a mawhphurtu Officer bik ruat vek an ni a, anmahni kaltlang hian thuzawh leh hriat duh nei te tan Form lachhuakin zawhna hi zawh theih a ni. Mizoram-a he dan hman a nih a\anga record thar ber, 2012-2013 (20.8.2013 thleng) inkar chhung khan RTI Act hmanga zawhna zawttu zawng zawng chu mi 4222 an tling a, RTI Act hmanga zawhna zawttu hi kum 2006-2007 ah mi 476 an awm a, kum 2007-2008 ah mi 371, kum 2008-2009 ah mi 177, kum 2009-2010 mi 695, kum 2010-2011 ah mi 741, kum 2011-2012 ah mi 1045 leh kum 2012-2013 (20.8. 2013 thleng) ah mi 728 an awm a ni.
    Hetihlai hian Mizoram-a he dan hman a nih a\angin Mizoram Information Commission chuan tun thleng hian State Public Information Officer (SPIO) pathum te chu hremna a pe tawh a, SPIO te hi information dilna a dawn duhloh vang emaw, chhan \ha tawk awm lova information pekchhuah a tih khawtlai emaw, hre reng chunga information famkim lo, diklo leh a diklo zawnga ngaihtheih tur a pekchhuah vang te leh chhan dang vanga pawisa hi chawi tir theih niin heng mi pathumte pawisa chawi zawng zawng hi a vaiin Rs.68,000/- a tling bawk a ni.

Popular News