Mizoram Lok Sabha inthlan ah vote 62.26% tlain INC candidate in vote 6154 in hnehna a chang.

Mizoram Lok Sabha MP thlanna neih zawh takah General vote  leh Postal Ballot te nen a pumpuiah vote 434,513 a tla a, Indian National Congress (INC) Candidate, Pu CL. Ruala chuan Independent Candidate, Pu Robert Romawia Royte chu vote 6154 in a hneh a ni.
Mizoram Lok Sabha MP seat khat luahtu tur atana inthlanpui, April 11, 2014-a neih zawh takah khan Mizoram-a vote nei thei zingah vote nei mi 434,513 ten vote thlakin hei hi vote nei thei a\angin 62.26% ten vote an thlak ang a ni a. Vote thlaktute hi General Vote (EVM) ah mi 425,701, Service Vote (Postal Ballot) ah 819 leh Tuikuk camp-a vote 7993 te an ni. EVM vote tla ah hian vote thi pakhatmah a awm lova, hetihlai hian Service Vote (Postal Ballot) ah vote thi 355 a awm a, Tripura Transit Camp a awm mek, Tuikuk camp 6 a\angin vote thi 957 a awm bawk. Vote nung zawng zawng EVM 425,701, Service vote (Postal Ballot) 464 leh Tuikuk vote nung 7036 belhkhawm nen a vaiin vote nung 433,201 a awm a ni.
    Mizoram Lok Sabha inthlanpui a vote tla te Zirtawpni kalta, May 16, 2014-a chhiar zawh takah khan Indian National Congress (INC) candidate Pu CL.Ruala chu vote 2,10,485 hmu in thlantlin a ni a, amah hnaih bertu United Democratic Front (UDF) in an thlawp, Independent candidate Pu Robert Romawia Royte chuan vote 2,04,331 a hmu thung a, Pu Robert Romawia Royte in Pu CL. Ruala vote hmuh a phaklohna hi vote 6154 a ni. Hetihlai hian Aam Aadmi Party (AAP) Candidate Pu M.Lalmanzuala chuan vote 11,890 a hmu bawk a, None of the Above (NOTA) ah vote 6,495 a tla bawk a ni. Tun \uma Mizoram Lok Sabha seat khat luahtu tur thlanna atana inthlanpui neih chungchangah hian Returning Officer Pi Juhi Mukherjee, IAS chuan inthlanna tluang tak leh felfai taka neih a nih theih nana theihtawp chhuaha thawktu zawng zawng te leh Mizo-ram mipuite chungah lawmthu a sawi a ni.

April 11, 2014-a Mizoram Lok Sabha MP seat khat atana inthlanna vote tla, May 16-a chhiar zawh takah chuan Lok Sabha MP term liam taa MP, Pu CL Ruala chu Congress party ticket-in Mizoram MLA bial 21-ah vote hmu sang berin hnehna a chang a, United Democratic Front (UDF) in an thlawp, Pu Robert Romawia Royte chuan MLA bial 19-ah a hmu sang ber ve thung a, Aizawl khawpui chhung MLA bial 11-ah vote a hmu sang ber vek bawk. Lok Sabha MP vote chhiar zawh takah hian state sorkara rorel lai, Congress party MLA te bial ni meka UDF candidate-in vote a hmuh hnem berna bial 13 awmin, heng te hi Pu PC. Zoram Sangliana, MLA bial Kolasib te; Home Minister Pu R Lalzirliana bial, |awi te; Pu Lalrinliana Sailo bial, Tuichang te; Parliamentary Secretary Pu Joseph Lalhimpuia bial Lunglei East te; Pu Chalrosanga Ralte, MLA bial Lunglei West te; Lunglei High Powered Committe Vice Chairman, Pu S. Laldingliana bial Lunglei South te; Parliamentary Secretary Pu H. Zothangliana bial Lawngtlai East te, Aizawl khawpui chhungah Minister Pu Lal Thanzara bial Aizawl North-II te; Minister Pu Lalsawta bial Aizawl East-II te; Dy. Speaker Pu R. Lalrinawma bial Aizawl East-I te; Pu R. Vanlalvena bial Aizawl South-I te; Parliamentary Secretary Lt. Col. ZS. Zuala bial Aizawl South-II leh Parliamentary Secretary Pu KS. Thanga bial, Aizawl South-III te a ni. MLA bial anga khaikhinin rorel lai Congress party hian seat 17 hloh ang an ni. Hetihlai hian bial mala Congress MP candidate CL. Ruala leh amah hnaih bertu inthlauhna vote sanna ber chu Tuichawng bialah a ni a, he bialah hian CL. Ruala'n vote 12,957 hmu in Robert Romawia Royte in vote 4749 a hmu a, an inthlauhna hi vote 8,208 zet a tling.

Popular News

Retailer bukna diklo 3 man

Hmeichhia te hmasawnna tura hmalakna chungchang thlirho.

Mizoram-ah Faina Hapta hman \an leh a ni