Mizoram-a Bank leh Financial Institutions te mipui ten \angkai zawka an hman theih nan hma la.

Central YMA chuan Mizoram a Bank leh Financial Institutions (FI) te chu \angkai zawka mipui ten an hman theih nan nimin May 26, 2014 khan Central YMA Committee Room-ah an kawmin hmalak dan tur an sawipui.
He inkawmhona ah hian Central YMA hruaitute chuan kan ramah State dangte angin Investor lian kan neih ve loh thu leh, Bank leh Financial Institution te hi kan innghahna ber an nih avangin \hahnemngai leh zual turin a ngen a. Tun dinhmun (kum 2013-2014 chhung) a Bank-a sum dah luh (Deposit) chu Rs. 5,09,911.21 Lakh a nih laiin Loan-a pekchhuah (Advance) chu Rs. 2,23,280.38 Lakh chauh niin, Credit Deposit (CD) Ratio 43.79 % hi Sorkar in a bithliah aia a hniam avangin, hemi lamah hian hma la chak leh zual turin a ngen a. Tin, Sorkar in sum a dah (Deposit) tamna Bank ni si Loan pe chhuak \ha leh duh lo awm thin chu \ha an ti lo hle tih an sawi bawk.
    He inkawmhona ah hian Bank 22 a\angin Bank 18 aiawh leh Financial Institution aiawh mi 2 telin sawihona an neih hnuah Bank Loan pechhuak \ha duh lote (CD Ratio hniam) te chu Sorkar-in sum dah (Deposit) tawh lovin, Loan pechhuak hnem (CD Ratio sang) Bank te hnenah Sorkar sum hi dah (Deposit) a nih theih nan hmalak nise tiin Bank ten mipui vantlang rawngbawlna atan Corporate Social Responsibility (CSR) Scheme an neih hi zau zawka hman nise an tih bakah \halai mahni kut leh ke a ding turte (Entrepreneur) tan leh Bank in a scheme hrang hrang an neihte nasa lehzuala tlangzarha tihhlawhtlin nise an ti a, mipuite tan dawr nuam tura Bank-te insiam\ha tura hmalak nise an ti bawk. He inkawmhona ah hian tualchhung Bank hrang hrang chu sawm an nilo thung a ni.

Popular News