Latest News

MIRSAC Data hman \angkai ngai ti

Chief Secretary, Pi L. Tochhawng chuan Mizoram Remote Sensing Application Centre (MIRSAC) in Data an buatsaih chu sorkar-a Development Department hrang hrang ten an hmang \angkai a ngai a ni, a ti.
He thu hi MIRSAC Governing Body \hutkhawm, nimin May 5, 2014-a Aizawl-a neih a hmanpuina ah sawiin Pi L. To-chhawng chuan Data an siam te chu Line Department te tan chauh ni lovin department mamawhtu apiang te hnenah an thiamna leh leh an theihna te zuar \hin turin a chah bawk.  MIRSAC in kum 2014-15 chhunga an hnathawh mek zingah ramngaw leh ram leilung hman \angkai dan Map an siam te, |helret chin theihna tur hmun Map an siam te, Forest Working Plan siamna atana Map an buatsaih te, PHED hman tur leihnuai tui zawnchhuah nana kaihruaitu tur Map te, UD&PA Deptt in Slum Area tihhmasawn nana Project an thawh lai mek puitu atana Aizawl City Map an siamsak te an tel a ni. He hunah hian Mizoram chu tlangram chhengchhe tak a nih vangin ram pianphung, ruam, kawr, tlangram chhengche lai leh phaizawl te chiang leh zuala hriatna Contour Mapping chu Development Department zawng zawng deuhthaw in an hmalakna a an mamawh thu sawi chhuah a ni a, hemi siamna atan hian cheng vbc. 25 vel mamawh niin hemi neih theih dan tur hi sawiho a ni a, Chief Secretary chuan nakum a DONER hnena Project thehluh leh hunah Planning department te leh MIRSAC te chu hemi atan ruahmanna siam tur leh DONER a project theluh zinga telh ve turin a hriattir a ni.

Comments

Popular News (Last 30 Days)