Maubuang Drilling Site-ah leiverh hna \an thuai dawn.

Mizoram-a leilung hauhsakna haichhuak tura hma la mek, Oil India Limited (OIL) chuan Maubuang Drilling Site-a leiverh hna chu July thla tir lamah \an an tum thu an sawi.
Oil India Limited (OIL) aiawhte hian nimin khan Chief Minister, Pu Lal Thanhawla chu a Office-ah kawmin he thu hi an sawi a, he hunah hian OIL aiawha kal-Dr. Rahul Dasgupta, General Manager, NEF Project; Pu Diganta Bora Chief Chemist, NEF Project leh Pu Gautam Das, Chief Engineer (Civil), NEF Project te chuan Maubuang Drilling Site chu leiverh hna \an turin a hmun hma te peihfel anih thu sawiin, July thla tir lamah leiverh hna \an an beisei tih an sawi a. Leiverh hna \an anih theih nan OIL hnuaia service provider company hrang hrang 15 vel chuan bungrua truck trailer 400 vel fur in a nan hma in an dah a ngai tih sawiin, heng motor tana Road Permit chu a rang lamah peih fel sak turin Chief Minister an ngen. Hei bakah hian Keifang Drilling Site-a leiverh bungrua phurh nan Seling leh Keifang inkar kawng a \hen lai zauh nan Border Roads Organization hnenah hemi atana sum mamawh zat an pek tawh thu leh BRO lamin hma an la lak loh thu te an hrilh a. Chief Minister chuan Road Permit chu a rang lama tihfel sak tiamin, Seling-Keifang kawng zauh chu Project Pushpak Chief Engineer ko a, hemi chungchang sawipui a tum thu OIL aiawhte hi a hrilh bawk a ni.

Popular News