Lok Sabha inthlanpui neih zawh takah vote a tla \ha hle.

Thla khat chuang zet awh khawvela ram hruaitu thlanna lian ber India rama Lok Sabha inthlan chu zawhfel niin tun thla ni 16-ah vote chhiar a ni ang.

Lok Sabha inthlan vote thlak hi thawh 9 ngawt neih a ni a. Thla hlui April 7 a\ang khan vote thlak hi \an niin bial 543-ah inthlan vote thlak a ni a, a pumpuiin vote hi zaa 66.38 tlaa chhinchhiah niin Vote thlak tam ber \um a ni a. Kum 1984 inthlanpui-a vote tla zaa 64 chu tun \um inthlan hian a khum ta a ni. Lok Sabha inthlan hnuhnung ber kum 2009 khan vote hi zaa 58.19 a tla a ni. Director General, Election Commission Akshay Rout sawi danin State leh Union Territory 15-ah chuan hmeichhia ten vote an thlak \hat ber tum a la ni a. Odisha, Punjab, Goa leh Chandigarh te telin State leh Union Territory 8-ah chuan mipa vote thlak aiin hmeichhe vote thlak hi an tam zawk nghe nghe a ni. Tun \uma Lok Sabha inthlanpui nei zawh takah khan Lakshadweep-ah chuan vote hi za-a 86.79 a tla a, rampuma vote tlak \hatna ber a ni. Ruahman lawk ang chuan rampuma Lok Sabha inthlanpui neih a vote tla te hi tun thla ni 16 khian a ruala chhiar a ni dawn a, hemi atan hian inbuatsaihna kalpui mek a ni.