Latest News

Lok Sabha inthlanpui ah Election Department te an lawm.

Mizoram in Lok Sabha MP inthlan felfai taka a neih theih avangin Election department chuan lawmthu an sawi.
Lok Sabha inthlanpui neih zawh tak chungchangah hian Inrinni kalta, May17, 2014 khan Aizawl-a I&PR Auditorium-ah Chief Electoral Officer Pu Ashwani Kumar leh Joint CEO, Pu H. Lalengmawia te chuan chanchinbumite an kawm a, he hunah hian CEO chuan, "Mizoram in tluang taka inthlan a neih theihna atana thawktu zawng zawng sorkar hnathawkte bakah Political party, NGO leh Kohhran te chungah lawmthu kan sawi a. State dangte thlirin Mizoram ah chuan harsatna a thlenglo tluk a ni a, boruak pawh a muanawm \ha a, lawmawm kan ti hle a ni," a ti. Press miten Model Code of Conduct bawhchhiatna a awm leh awmloh chungchang an zawhna chhangin CEO chuan Chief Minister Lal Thanhawla leh MoS Lal Thanzara te thusawi ah 'chi leh chi inkara inhuatna (communal) a awm thei' niin mi \henkhat ten complaint an thehlut tih a sawi a. He thilthleng hi chhuizui nghalin Commission lam pawh hriattir an ni a, mahse finfiahna a awm thei lo niin a sawi. Tun \um Lok Sabha MP inthlan senso ah sorkar chuan cheng vbc. 20 budget ah a dah tih Joint CEO, Pu H. Lalengmawia chuan zawhna chhangin a sawi a. cheng vbc. 14 vel chu sem hman a ni tiin a bak cheng vbc. 6 chu Financial Year a tawp dawn avangin Finance department ah pekkir a ni a, dil leh a la ngai dawn niin a sawi bawk. Inthlan laia venhimna hna thawk turin State Police bakah Central Para-Millitary Force Company 8 chu Ministry of Home Affairs in rawn pek belhin heng zinga Company 3 chu vote chhiar thlengin an cham zui tih an sawi bawk.

Comments

Popular News (Last 30 Days)