Chief Minister hovin Council of Minister \hutkhawm neih a ni.

/
Nikum December thlaa Mizoram-a sorkar thar a din hnua Council of Minister \hut-khawm hmasa ber chu nimin May 22, 2014 khan Chief Minister, Pu Lal Thanhawla hovin Chief Secretary Conference Room, New Secretariat Complex, Aizawl-ah neih a ni.
He \hutkhawm ah hian thu ngaihtuah tur 32 chhawpchhuah niin heng zingah hian Nurse indaihlohna phuhrukna turin Nurse 50 lak an remti a. The Mizoram (Land Survey & Settlement Operation) (Amendment) Bill, 2014 chu pawmin Mizoram sorkar hnuaia Isolated Posts te tana Non Functional Time Bound Promotion Scheme siam sak te, MR hna thawk lai 13 a ngheta dah rawtna te, Indopui-II na hunlaia tel sipai la damte hnena thlatin Rs. 1000/- pek \hin Rs. 1200/- a tihsan rawtna te chu pawm a ni a. MPSC (Limitation of functions) regulations to provide for exemption cases of group B( Non-Gazette post) and below from the purview of MPSC te, Draft Mizoram Civil Service (Combined Competitive Examination) (2nd ammendment) regulations 2014 te,  The Mizoram Chit fund Rules,2013 leh The Mizoram Lotteries(Regulation) Rules, 2011 siam\hatna bakah Finance Department-a Empanelment Board member a Secretary siam belh te chu pawm a ni a, Agenda 18 ngaihtuah hman niin a bak hi \hutkhawm leha ngaihtuah tura dah a ni a, ni 29 khian \hukhawm leh tura ruahman lawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »