Chanchinthar thenkhat :

Chhim Veng champion

@@ Serchhip District Volleyball Association buatsaih Serchhip District Volleyball Championship chu Inrinni khan Serchhip Chhim Veng Volleyball Court-ah khelh zawh a ni ta a, Inrinni-a Final khelh ah Laluapa Volleyball Club, Serchhip Chhim Veng in Friends Club, New Ser-chhip chu 3-0 a hnehin an champion a, champion Team hian Rs. 7000/- leh Vollyball an dawng a, a chaklo lam hian Rs. 4000/- dawngin Semi Final a chaklo, Serchhip Chanmari leh Khawnglung Volleyball Club, Bungtlang in Rs. 1000/- ve ve an dawng bawk a ni.

Kawngpui siam mek zel
@@ Serchhip khawpui chhung in-kalpawhna kawngpui siam hna chu thawh mek zel niin Inrinni a\ang khan AOC to Chanmari Road chu siam hna \an leh a ni a, he kawngpui hi meter 742 siam tur niin Vawiin hian zawhfel hman tura beisei a ni. He-tihlai hian Serchhip-III ten ni 100 inhlawhna sum a\anga Bazar to Chanmari, YMA Road-a an area chin siam an tum angin Serchhip-IV VC area siam ve a nih theihna turin Serchhip Chanmari Branch YMA chuan Serchhip-IV VC te hnenah ngenna thlen an tum bawk.

Tui vawi 2 sem tum
@@ PHE Minister, Pu Zodintluanga chuan an tum angin darkar 24 chhungin tui litre maktaduai 18 chu a zawnin ni hnih an pump chhuak thei tawh tih sawiin, hetianga tui hi pump zui theih a nih chuan Aizawl khawpui a PHE tui latute zawng zawng kar khata vawi hnih tui pek theih thuai tum a nih thu a sawi bawk.

Mizo tlangval in Sipai chawimawina dawng
@@ Zirtawpni kalta, May 2, 2014 khan India President, Pranab Mukherjee chuan a chenna Rashtrapati Bhavan, New Delhi-ah India sipai huaisen te chawimawina hun Defence Investiture Ceremony a hmang a. India sipai mi 55 te hnenah huaisen lawmman (Gallantry award) a hlan a ni. Huaisen lawmman dawng zingah hian Mizo tlangval |uahzawl khua, Mamit District ami, Sepoy Lallawmzuala S/o Jacoba, 18 Rashtriya Rifles (Rajputana Rifles) pawh tel in Sipai huaisen chawi-mawina ‘Shaurya Chakra’ a dawng a ni. January ni 24, 2013 khan Jammu & Kashmir-ah Lallawmzuala leh a \hiante hian helho tawmkuk an luh-chilh a, hetah hian firfiak pawl Jaish-e-Mohammed-a an Commander chu a kaphlum a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.