Bial thum Joint Revival nei

@@ UPC (NEI) Pastor bial 3-Serchhip, Serchhip Dinthar leh Chhingchhip bial te chuan Zirtawpni zan a\anga nimin Pathianni hmang khan UPC Biak Inpui Serchhip-ah Joint Revival an nei a, he hunah hian heng Bial a\ang hian Pa-lai \hahnem tak telin Inrinni khan ruaipui siamin Pathian chawimawina hun an hmang bawk a ni.

SDSC hruaitu tur thlang
@@ Serchhip District Sports Committee (SDSC) chuan Inrinni kalta May 17, 2014 khan Serchhip Hmar Veng YMA Hall-ah kum 2014-2016 chhunga hruaitu tur thlanna neiin President-ah Pu K. Tlangthan-mawia (Volleyball); Vice President ah Pu Lalthankima Ralte (Football); Secretary-ah Pu Lalremruata Ralte (Archery); Asst. Secretary ah Pu Saihmingthanga Sailo (Ri-fles); Treasurer-ah Pu PC. Lian-ngura (Athletics) leh Fin. Secretary-ah Pu David Laldintluanga (Boxing) te thlan an ni.

Compartment Exam hun
@@ Mizoram Board of School Education (MBSE) chuan kumin a HSSLC Compartment exam neih hun atan June 12, 2014 a ruat a. Exam Center tur School 8 ruat nghal niin heng te hi District Hqrs. tinah a ni a, Serchhip District-ah chuan Govt. Higher Secondary School, Serchhip chu Exam Centre a ni ang.

Thing zai tur lum boral
@@ Inrinni kalta May 17, 2014 tlai lam khan Pu Khawkunga, Sailutar ami in thing zai tura a rawih, Thawnga (35) h/o Kawlthangpuii, Sailutar chu thing zai tura a riahluhna lamah kawngthlang ah a lum a, hemi zan dar 2:00 vel khan Darlawn dam-dawi In thlenpui niin darkar chanve hnu velah a boral zui a ni. Thawnga hi a lum lai hian zu a rui niin kan thu-dawnna chuan a tarlang bawk.

RS MP term tawp dawn
@@ Mizoram Rajya Sabha MP, Pu Lalhmingliana term chu July 18, 2014 hian a tawp dawn a, Election Commission chuan Mizoram Assembly Secretariat chu lehkha thawnin inbuat-saihna kalpui \an tawh turin a rawn hriattir tawh nia thudawn a ni. Rajya Sabha MP hi MLA ten an thlang \hin a, Mizoram ah Congress Ministry a din avangin Congress party duhzawng tling tura ngaih a ni a, tunge an din tir tur erawh sawi ala awm rihlo thung.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.