ZEP ten VTC an kalpui dan chungchang chhuifiah turin MZP in ACB-ah FIR an thehlut.

Mizo Zirlai Pawl(MZP) chuan Social Welfare Department hnuaia Vocational Training Centre (VTC) Zoram Entu Pawl(ZEP) in kalpui danah thil fello awm nia hriaiin nimin March 31, 2014 khan ACB-ah FIR an thehlut.
Hemi chungchanga MZP thuchhuah in a tarlan dan chuan Mizoram sorkar leh Zoram Entu Pawl (ZEP) te hian inremna ziakin Serchhip, Khawzawl, Champhai leh Kolasib-ah te Vocational Training Centre (VTC) hi kalpui a ni a. Heng VTC kalpui mekah hian RTI hmanga lehkha pawimawh te lachhuakin an zirchian hnuah Anti Corruption Bureau (ACB) ah First Information Report (FIR) an thehlut ta tih an tarlang a. ACB chhuichian turah an duh te zingah hian Course hrang hrang (Computer, Tailoring, Sericulture, Hospitality, Beauty Culture leh Electronics) ah te hian Centre tinah zirlai 20 zel zir thei tura pawisa a lokal laiin mi 15 aia tam course khat zir tura lak an awm lo niin an tarlang a. Zirlai pakhat tan stipend hi thla tin Rs. 700/- zel kumkhat chhung atan pek tur an nih laiin, thla sawm (10) chiah pek an nih bakah 80% attendance neilo te chu stipend hi pek an ni lo a. Stipend tura ZEP in sum an dawn erawh engzat mah pek kir leh a awm loh thu RTI a zawhna ah chhan a ni a. Tin, stipend semna a hming inziak chu hming tluantlinglo a tam hle nia tarlangin, Zirlai ten stipend hi an dawn ngei leh ngei lo a chiang ta lo niin an tarlang a, Training Centre atana hmarua an lei hrang hrang te pawh a \ul dan anga chhuifiah a ngai tak zeta an hriat thu an tarlang bawk.
    Hei bakah hian MZP thuchhuah chuan Zoram Entu Pawl in Vocational Training Centre (VTC) a kalpui dana MZP in thil fel tawklo awm ni a a hriat hi a dik anih chuan a \ul anga siam\ha a, hun lokal zel turah Mizo \halai, VTC hnuaia training ten an chanvo tur diktak an chan theih hi MZP chuan a duh ber tih tarlangin, ‘Central sorkar in duhsak taka pawisa \hahnem tak senga min din sak VTC a\ang hian Mizo \halai a tam thei ang berin eizawna tluantling an neih theih nan hlawhtling taka kalpui ni thei se kan duh tak zet a ni,’ an ti a. ZEP in hetianga rinhlelh kai khawpa fello taka hna a thawh avang hian hun lokal zel turah VTC enkawl tur chuan MZP chuan a ring tawk tawh lo tih tarlangin, tuna sorkar nena an inremna (Agreement) hi a tawp veleh rawih chhunzawm tawh lo turin MZP chuan sorkar thuneitute a ngen nawn leh tih an tarlang bawk.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn