Upa boral Biak In-a vui tawhloh relUpa boral Biak In-a vui tawhloh rel

Mizoram-a Kohhran lian ber Presbyterian Kohhran chuan nimin Pathianni hmang khan bial khawmpui neiin Biate Pastor Bial chuan Kohhran Upa thite chu Biak In-a vui tawh loh ni se tiin an pawm.

Nimin Pathianni hmang khan Presbyterian Kohhran Pastor Bial hrang hrangte chuan Bial khawmpui hi neiin Biate Pastor Bial khawmpui, Biate Kohhran-a neih chuan Kohhran Upa thite chu Biak In-a vui tawh loh nise tih hi an pawm a. He thu an relnaah hian Kohhran Upa te thih hian Biak In lama vuina Programme siam tur a tih ni \hin a. Hei hi Synod-in mitthi vui dan tur a siamah a awm chuang lo va, hun engtik lai emaw a\anga hman chhoh va, intihhmuh thil mai niin sawilan a ni. He an thurel hi Tuichang North Presbytery inkhawmpui rorel hunah Agenda atan dah a ni dawn a ni. Hetihlai hian Darlawn Pastor Bial khawmpui, Sawleng-a neih mek chhim tura kal turte chuanna tura Darlawn Kohhran in Bus an hman, Darlawn Bus, Pi Sangpuii, Darlawn ami ta chu nimin chhun dar 12:30 vel khan Darlawn khawdai, Sawleng nen a inkarah chesualin kawngthlang ah a tlanliam a. He Bus-ah hian mi 12 chuangin Pu Lalkhawngaiha(50) h/o Lalrinawmi Darlawn Chhim Veng chu a hmunah a boral nghal a, he Bus-a chuang midang 3 te pawhin hliam na tak tuarin Ai-zawl panpui nghal an ni.