Latest News

UDF hruaitu ten EVM chungchanga buaina fair taka chhui nise an duh thu an sawi.

United Democratic Front (UDF) hruaitute chuan Pu K. Chhawn\huama leh Chief Minister Pu Lal Thanhawla inkar chu fair taka chhui nise an duh tih sawiin, ‘A diklo zawk chuan tuar mai rawh se’ an ti. 
UDF hruaitu zing ami, MNF President, Pu Zoramthanga leh ZNP President, Pu Lal-duhoma te chuan nimin, April 22, 2014 khan Aizawl Press Club-ah thuthar lakhawmtute kawmin hemi chung-chang hi an sawi a, he hunah Pu Zoramthanga chuan Pu K. Chhawn\huama’n EVM rig-na atana nuai 1080 senga Chief Minister Pu Lalthanhawla a puhna te, Lalmuanhlua’n Saipum bula Police ambush naa bul tumtu leh kum 2008 a MLA te vau tura Pu Lal Thanhawla’n ZRF te a hmang nia sawi te hi a turu lutuk a, mipui ten thudik kan hriat theihnan dik taka chhui chian kan duh a ni, a ti a. ‘A puhtute chauh man a, a puha te man an ni velo hi a dik kan ti lo a, pakhat chauh hnungkhirha thiltih hi a diklo a, fair takin in fight tlang se kan duh a ni,’ a ti bawk.
    He hunah hian ZNP President, Pu Lalduhoma chuan EVM chu mi pahnih inpuhna kar a ni tih sawiin, thiltisuala puh zawk man lova a puhtu man a ni zawk chu diklo a tih thu a sawi a. ‘Lalmuanhlua’n Chief Minister a puhna hi a turu em a, chhuichian ngai kan ti a ni,’ a ti. Pu Duha chuan Pu K. Chhawn\huama chungchangah Case IO thlak chhen a ni te, a ngaihtuahtu tur Magistrate thlak a ni fo te, hemi chungchanga ruling lam ten duh tawka thu an sawi theih laia opposition te khapbeh an ni te chu hleihnei taka rorelna a ni, tiin, Mizoramah dan rorelna chu a hranga dah a ni leh talo em ni tih a ngaihtuah theih a nih thu leh Pu K. Chhawn\huama hrisellohna chungchangah pawh Medical Certificate pe ngam an awmlo nia sawi a awm niin a sawi bawk.

Comments

Popular News (Last 30 Days)