Tun thla ah Sipai lak runpui neih leh a ni dawn.

/
Mizoram \halaite tan Rajiv Gandhi Stadium, Mualpui-ah Indian Army tan Sipai lak Runpui (Recruitment Rally) chu April ni 15-20 chhung khian neih leh a ni dawn.
Ruahman lawk ang chuan he Rally ah hian Soldier (General Duty); Soldier (Tradesman) Soldier (Technical) leh Soldier (Clerk) te lak a ni dawn. Soldier (General Duty) leh Soldier (Tradesman) tan Aizawl, Kolasib, Mamit leh Champhai District a chengte chu April ni 15 ah intlar tur a ni a, hetiang bawkin Serchhip, Lunglei, Lawngtlai leh Saiha Districts a chengte chu April ni 16 ah intlar tur a ni. Sipai \anglai fate, sipai pension tawh fate, sipai pasal sun tawh hmeithai fate, NCC ‘C’ Certificate nei te leh infiam mite chu April ni 16 ah vek intlar tur a ni a, hetah hian District thliar lovin District zawng zawngte tan intlar tur a ni anga. Soldier (Technical) leh Soldier (Clerk) tan April ni 17 ah intlar tur a ni anga, hemi hna pahnih bikah hian Mizoram bakah Hmarchhak state dang atanga lokal te pawh an intlar theih niin April ni 18 - 20 inkarah hian he Rally a tling te chu an Document leh an hriselna (Medical) endik a ni ang.
    Sipai lak runpui neih turah hian Soldier(General Duty) leh Soldier (Tradesman) tan hian Pawl 8 pass chin an intlar thei a, hemi atana kum bithliah chu kum 17 leh a chanve leh kum 21 inkar a ni. Soldier (Technical) leh Soldier (Clerk) te hi Pawl 12 chin tan intlar thei niin kum bithliah chu 17 leh a chanve leh 23 inkar a ni a, amaherawhchu 50 percent chunglam an hmuh a ngaih bakah Pawl 10 Mathematics leh English a 40 percent tal an hmuh tlin a ngai ang. He Sipai lakna tura intlar duh te tan Permanent Residence Certificate emaw, Certificate of Nativity emaw Domicile Certificate emaw, Class 8th, 10th class or 12th pass certificate, character certificate (thla ruk aia hlui lo), unmarried certificate, consent certificate (kum 18 aia naupang tan) leh ST certificate te a ni a. Document original leh Xerox set hnih ken tel tur a. Passport size thlalak copy 12 (thla ruk aia hlui lo) ken tel a ngai bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »