Latest News

Tukin a\angin Total Bandh nei dawn

Mizoram-a tlawmngai pawl hrang hrangte huaihawtin Vawiin April 7, 2014 zing dar 5:00 a\angin Mizoram pumah darkar 72 chhung awh Total Bandh neih a ni dawn.
Mizoram-a tlawmngai pawl hrang hrang YMA, MUP, MHIP, MZP, MSU telna NGO Co-ordination Committee chuan Tripura Transit Camp-a Tuikuk ten vote an thlak an duh lohzia lantir nan leh vote hi chhiar a nih loh nana tukin zing dar 5:00 a\anga darkar 72 chhung Total Bandh neih an tum chu kaltlangpui an tum a, he Total Bandh neih tum chungchang ah hian Inrinni, April 5, 2014 khan Home Minister, Pu R. Lalzirliana hovin inbiakna an nei a. He inbiakna an neih hnu hian Home Minister chuan Bru ten Postal Ballot hmanga vote an thlak tawh chu pawm lovin Mizoram chhungah ngei vote thlak \hat tir turin Election Commission-ah thawn nise an ti tih a sawi a. Tlawmngai pawl lam chuan an thu thlen hi an thilphut hi Election Commission chuan a ti hlawhtling lo a nih chuan ruahmanna an siam tawh anga Total Bandh hi kaltlangpui an tum thu sawiin, hemi ang hian Total Bandh hi kaltlangpui a ni dawn ta a ni. He Total Bandh neih tur chungchangah hian tlawm-ngai pawl hruaitute chuan "Mizoram mipui zawng zawng ten ram leh hnam rilru pu chunga \hahnemngai taka tihlawh-tling turin ngen leh beisei kan ni," tiin Mizoram mipui vote ni lova, Tuikuk vote (Transit Camp) hmanga MP thlantlin an lo awm a nih pawhin, Mizoram hmangaihna avanga inhnukdawk leh nghal turin candidate-te an ngen bawk.

Comments

Popular News (Last 30 Days)