Tuikuk raltlan lalet turin ruahmanna awmsa tawh

Tlawmngai pawl \angrualte phut ang leh sorkar duhdan angin Tripura Relief camp-a Bru awm mekte lalet turin ruahmanna a awmsa niin Home department hotute chuan an sawi.
Home department Joint Secretary Pu Lalbiakzama sawi danin Bru laklet thawh 6-naa Bru chhungkaw 350 lalet turin ruahmanna siam a ni tawh a, Parliament inthlan avangin a taka kalpui hman a ni ta lova. Hemi kalpui tur hian Mamit District a a kaihhnawih official-te pawh an inruahman tawh a ni, a ti a. Hemi atan hian pawisa cheng nuai 787 dah sa a awm thu leh lokir chhung-kua te hnena a thlawna sem tur buhfai pawh FCI chuan a tifel niin a sawi bawk. Thawh\anni kalta, April ni 7 a\anga ni hnih chhunga Mizoram pum huapa Total Bandh hial huaihawttu tlawmngai pawl leh zirlai pawl \ang-rualte duhdan angin sorkar chuan Bru te hi Lok Sabha inthlan vote chhiar zawh a\anga thla thum chhunga Mizorama laklet vek tum a intiam a. Chuta lokir duhlo an awm chuan Mizoram Electoral Roll a\anga an hming paih tura hmalak a nih tur thu a intiam bawk a ni. Hemi bakah hian Chief Minister Pu Lal Than-hawla chuan April ni 11 vote thlak ni khan Tripura Relief Camp-a awm Bru vote neite chu thla thum chhunga Mizorama an kîr loh chuan Election Commission of India-in Mizoram Electoral Roll a\anga paih dan an ngaihtuah dawn niin a sawi bawk a ni.
    Hetihlai hian official \henkhat chuan thla thum chhung leka Tripura Relief Camp-a awm Bru zawng zawng laklet leh hi thil theihloh hulhuala an ngaih thu PTI report chuan a tarlang a. Sum leh pai awmsa-in a daih an rin loh bakah Mizoram mi ngei an ni em tih endik chhung leh ran khalha inkhalh chhuah mai theih an nih si loh avangin ruahmanna siam kawngah hun a duh deuh dawn niin official te chuan an sawi a ni. Relief camp hi official-a pawm chu 6 a ni a, mahse, 13th Nov. 2009-a Bung-\huam naupang Zarzokima kahhlum a nih avanga chhuk thla tharte’n an din camp pakhat a awm belh tawh bawk a. Bru camp hrang hrangah hian tunah Mizoram Electoral Roll a awm hi 11,000 chuang hret niin anmahni hi chuan Mizo-ram mi awm zawng zawng hi mi 35,000 bawr vel niin an insawi a ni.

Popular News

Mizoram-ah Faina Hapta hman \an leh a ni

Retailer bukna diklo 3 man