Latest News

Tuikuk Camp-ah vote chhiar a ni dawn. NGO ten darkar 72 Total Bandh an tintuah nghal.

Election Commission of India chuan Tripura Transit Camp paruk (6)-a MP inthlanna a vote tla te chu Kanchanpur, Tripura-ah chhiar turin ruahmanna siam a, hetihlai hian Mizoram-a NGO hrang hrangte chuan karleh Thawh\anni a\angin Total bandh neih an tum bawk.
Mizoram-a Lok Sabha inthlanpui neihah Tripura Transit Camp paruk (6) Tuikuk ral-tlan ten Postal Ballot hmanga vote an thlak zawh hnuah Election Commission chuan heng Camp hrang hranga Postal Ballot tla te hi vote chhiar Ni tura ruat, May 16, 2014-ah Kanchanpur, Tri-pura-a chhiar tura ruahmanna siamin, ‘Vote chhiar hma zawng hian Chief Electoral Officer, Tripura chuan Transit Camp paruk (6) a vote tla te hi seal vekin, him takin a awm theih nan CPF te venhimna hnuai Strong Room-ah a dah ang, a ti a, Mizoram Assistant Returning Officer (ARO) Mizoram, Parliamentary Constituency, Bru camp paruk (6) atana ruat leh Counting Staff ten Kanchanpur hmunah hian chhiarna an neih dawn thu leh Returning Officer hian candidates tinte hnenah vote chhiar hun leh kalphung turte chu hriattirna thawnin, an election Counting Agent \heuh te, an duh chuan vote chhiarna hmun a awm turin a hrilh ang, a ti bawk.
    Hetihlai hian Mzoram-a tlawmngai pawl hrang hrang-YMA, MUP, MHIP, MZP leh MSU te chu nimin April 4, 2014 khan Aizawl-ah \hukhawmin Tripura Transit Camp-a Tuikuk ten vote an thlak duh loh zia lantir nan leh Vote chu chhiar a nih loh nan karleh Thawh-\anni, April 7 zing dar 5:00 a\angin darkar 72 chhung Total Bandh neih nise an ti a. Hei bakah hian Mizoram mipui vote ni lova, Tuikuk vote (Transit Camp) hmanga MP thlantlin an lo awm a nih pawhin, Mizoram hmangaihna avanga inhnukdawk leh nghal turin Committee chuan Candidate-te a ngen bawk tih an sawi bawk. He Total Bandh hi kaltlangpui a nih chuan Mizoram-a vote thlak hun tur pawh a huam dawn a ni.

Comments

Popular News (Last 30 Days)