Serchhip bial a\anga \um 7 zet MLA a thlantlin Pu Lal Thanhawla chawimawina neih a ni

Serchhip Block Congress Committee chuan nimin April 25, 2014 khan bialtu MLA leh Chief Minister ni bawk, Pu Lal Thanhawla Serchhip bial-a \um 7 thlantlin a nihna leh Mizoram Chief Minister \um 5 a nih lawmna chu ruai nen ropui takin Serchhip-ah an buatsaih.
Serchhip Block Congress Committee in Chief Minister, Pu Lal Thanhawla chawi-mawina hun, Serchhip Town Hall hmuna an buatsaih ah hian Pu Lal Thanhawla chuan Serchhip Block Congress Committee in hetiang hun an buatsaih chu an chhungkaw tan thil lawmawm tak a nih thu a sawi a. Mizoram Chief Minister hna \um 5 zet a chelh chhungin Serchhip bial a\ang hlira thlantlin a nih thu sawiin, hei hian Serchhip bial mipuite chu rilru nghet tak pu, tum mumal tak nei leh rilru thlak zung zung anni lo tih a lantir thu a sawi a. Serchhip bial a\anga \um 7 zet thlantlin a nih tawhna chu ama fel leh tlin bik vang a nih loh thu sawiin, he huna tel Congress Party mipuite chu sorkar an neih tawh avanga inluling mai lovin, thuhnuairawlh takin an party-a midang lo tel zel theihna tura inhawng turin a chah a. Politics chu sumdawnna leh eizawnna rilru nena thawh kawp chi a ni lo tih sawiin, politics thiltih theihna chu chhung leh khat te siamlenna tur leh chhungkaw zawnna atana ngaih theih tura hman tur a nih loh thu a sawi bawk.
    Bialtu MLA, Pu Lal Thanhawla chawimawina hun hi Serchhip Block Congress Committee President, Pu Lalramliana Sailo chuan kaihruaiin Pu Lal Thanhawla nau, Pu Lal Thanzara, Health Minister chuan chhungkaw aiawhin Pu Lal Thanhawla chanchin a sawi a sawi bawk. He hunah hian Pu Lal Thanhawla hi Serchhip Block Congress Committee leh an hnuaia Group leh Unit hrang hrang bakah Serchhip District chhunga an party Block hrang hrang ten chawi-mawina thilpek an hlan bawk a ni. Nimin a Pu Lal Thanhawla chawimawina hun hi MLA leh Minister \hahnem takin an rawn hmanpui a, he hun hmang tura rawn kal zingah hian Pu Hiphei (Assembly Speaker), Pu R. Lalrinawma (Dy. Speaker) Pu John Rotluangliana (Supply Minister), Pu C. Ngunlianchunga (AH&Vety Minister) leh Dr. BD. Chakma (Fisheries Minister) bakah Parliamentary Secretary a\angin Pu Hmingdailova Khiangte, Pu K. Lalrinthanga, Pu TT. Zothansanga leh Pu H. Zothangliana te, Lunglei High Power Committee Vice Chairman, Pu S. Laldingliana leh ZIDCO Chairman, Pu Lalrobiaka leh Mizoram KVI Board Chairman, Pu K. Lianzuala te an tel a ni. Pu Lal Thanhawla hi Serchhip bial a\angin 1984, 1987, 1989, 1993, 2003, 2008 leh 2013 MLA inthlan ah te tlingin kum 1984, 1989, 1993, 2008 leh 2013-ah te Chief Minister a ni zui a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.