Ramri chungchanga hma la turin phut

MNF |halaite chuan Congress sorkar chu ramri a buaina veilo ah puhin MZP chuan Assam leh Mizoram buaina thleng mek chu a hmuna kala enfiah an tum thu an tarlang.
Hemi chungchanga nimin a MNF |halai thu-chhuah chuan Tuichhuahen, Buhchangphai Kolasib District-a Assam mi ten Pu R. Lalzuala Thlam pahnih an tichhia leh Buhchangphai, Ram\ha zau a RK. Laldawngliana thingzai Assam Police leh Forest mi te’n an lak sak chu pawi an tih thu tarlangin, hetianga boruak \halo tak a awm laia Congress sorkarin ramri a vei loh avang hian ramri a chengte’n harsatna an tawk fo chu pawi an ti tak zet tih an tarlang a. Congress sorkar in ramri chingfel tura ke a pen ngam a nih chuan thlawp an inhuam thu leh ramri chinfel sorkarin harsa a ti anih pawhin ramri a chengte thlavang hauh tur leh, rampawn mite pawngpawrh lohna turin chhete tala ngaihven turin an ngen th an tarlang bawk. Hetihlai hian MZP pawhin nimin khan thuchhuah siamin tunhnaia Mizoram chhunga Mizo hnathawkte chunga Assam Police te chetdan hi a rang thei ang bera chhangleta heng tuartu te thlavang hauh tura sorkar an phut thu an tarlang a. Kum  2013-a MLA inthlanpui neih hmaa MZP in Political Party hrang hrangte a kawmnaah Political Party tin te chuan Mizoram leh state dang te nen a inrina venghim a, kan ram chin humhalh anih theih nan Boundary Development Cell/Wing din an intiam vek avangin sorkar dinglai chu a rang thei ang bera Boundary Development Cell/Wing din a nih theih nana hmala turin an ngen nghal bawk.

Popular News