NECS thawhpuina sorkar in a sut dawn tih sawi.

MPCC President, Pu Lal Thanhawla chuan sorkar in NECS a thawhpuina chu sut a nih tur thu a sawi.
Lok Sabha inthlanpui leh Hrangturzo biala Assembly bye-election neih tur atan MPCC President, Pu Lal Thanhawla hian Hrangturzo bial fang mekin nimin khan North Vanlaiphai a thleng a, hetah hian thu sawiin Pu Lal Thanhawla chuan UDF candidate, Pu Robert Romawia Royte company, North East Consultancy Services (NECS) sorkar in a thawhpuina chu sut a ni ang, a ti a, NECS chu Mizoram sorkar in a chhawr vang chauha sum hailut thei a ni, a ti a. MP inthlanna chu BJP kaihhruai NDA leh Congress te inbeihna tur a nih thu a sawi bawk.
    Hetihlai hian Lok Sabha inthlanpui neih tura UDF thlawp Independent Candidate, Pu Robert Romawia Royte hian nimin vek khan North Vanlaiphai hi a thleng bawk a, hetah hian vantlang inkhawm neia thu sawiin, central sorkar-ah NDA in sorkar an siam ngei dawn nia sawiin, Hrangturzo bial mipuite chu State Ruling nih nge Central Ruling nih an duh tih inngaihtuah turin a ngen a. Thlantlin a nih chuan ni 365 chhungin Mizoram sorkar hnuaia Director chin chunglam te chu budget pahnih-Central leh State Budget an chhawr \angkai kawp thei tih a taka hriattir a tum tih a sawi bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai