MSTA Sub-Hqrs. Conference neih a ni

Mizoram Middle School Teachers’ Association (MSTA) Sub-Hqrs. Serchhip chuan nimin April 29, 2014 khan Serchhip Hmar Veng YMA Hall-ah Conference vawi 17-na an hmang a, he hun hi Pu PC. Lalngaizuala SDEO Serchhip chuan khuallian niin a hmanpui.
MSTA Conference hi chawhma lamah an President, Pu V. Tlang-\huama chuan kaihruaiin khuallian Pu PC. Lalngaizuala chuan Sorkar Sikul in zirlai naupang an nei tlem tial tial chu Zirtirtu an inenchian a \ul thu sawiin, zirtirtute chu hun vawng dik a, discipline ngaipawimawh turin a chah a, ‘Kan inthlah-dahna hi Corruption Case lian tak neih tluk in a pawi a ni,’ a ti a, Zirtirtute rahchhuah chu zirlai naupangte hlawhtlin dan ah a innghat a ni tih sawiin, mahni hna ah \hahnem ngai \heuh turin a chah bawk. Hemi hnu hian rorel inkhawm neiin an thurel zingah School in Maintenance leh School Grant SSA a\anga dawn \hin chu abei tham tawh tiin Rs. 20,000 /- nise tih te, Teachers Grant pek leh an duh thu te, Mid-Day Meal Programme hnuaia Cook leh Helper lawmman tisang tura nawr te, Elementary School Syllabus ennawn tura ngen te, Headmaster hmun ruak tam lutuk hnawhkhat tura hmalak te, CCE milin M/S zirlai heng subject SS, Science, Maths te hi Mizo \awnga dah tura nawr te leh Elementary Calendar sorkar in a siamah Vocation ni 60 tlinglo a a siam chu, ni 60 a siam tling theilo a nih chuan Earn Leave pe let leh tura nawr te a tel a ni. He hunah hian an member pension-a chhuak mi 4 te thlahin an pawl hruaitu tur mi 8 an thlangchhuak nghal bawk.

Popular News