Mizoram Police ten Pseudoephedrine tam tham tak man.

Mizoram Police, Aizawl District Special Branch te chuan nimin zing dar 2:00 vel khan Aizawl Kulikawn leh Ngaizel inkarah Pseudoephedrine nia hriat kg 198 an man a, tualchhung rate-a chhutin cheng nuai 90 chuang man hu a ni.

Police te hian an thudawn bawhzuiin he damdawi hi Ngaizel leh Kulikawn inkara Hrangthanzaui In luah a\angin an man a, In chhung ah kg 181 manin a bak kg 17 chu Bollero car a\angin an man a ni. He thila inhnamhnawih nia puh, In luahtu Hrangthanzaui (30), Tualte khua nia insawi bakah hian midang pali, S Laldini (51), Mission veng nia insawi te, Zoliansangi (38), Bungkawn Vengthar-a cheng nia insawi te, Lalrinsangi (41), Ramhlun North a cheng nia insawite leh motor khalhtu Lalruatthanga (30), Khawkawn khawchhuak tuna Upper Republic a awm mek nia insawite chu Police te hian an man nghal a ni. MNF Gen Hqrs. chuan thuchhuah siam nghalin Pseudoephedrine an manna motor Bolero car hi Congress thupuangtu leh Media Department-a Secretary ni lai mek, Pu Lalrozara ta a ni tih tarlangin, amah hi inhnamhnawih ah an puh bawk a ni.