Mizoram Lok Sabha inthlanpui neih tur atan Vawiin ah mipui ten vote an thlak dawn ta.

Mizoram Lok Sabha inthlanpui neih tur atan Vawiin April ni 11, 2014 hian mipui ten vote an thlak dawn ta a, he inthlanna neih tur atan hian ruahmanna pawh peihfel a ni tawh a ni.Mizoram in Lok Sabha Seat khat a neih hnawhkhahna turin tukin (11th April, 2014) zing dar 7:00 a\ang hian Mizoram hmun hrang hrangah mipui ten vote an thlak dawn ta a, he inthlanna neih tur atan hian ruahmanna engkim peihfel ni tawhin inthlanna buaipuitu tur, Polling party te pawhin nimin chawhnu lam khan an duty-na tur hmun an pan kim tawh a, hmun \henkhat ah lirthei lama harsatna tawk te awm bawk mah se harsatna lian lutuk awm lovin Polling Party te hian an duty-na tur hmun hi an thleng kim nia hriat a ni. Vawiin a Mizoram-a Lok Sabha inthlanpui neih turah hian Mizoram pumah vote nei thei mi 7,00,422 awmin heng zinga 3,974 te hi Service Voters a ni a, heng vote nei te vote thlakna atan hian Polling Station 1,126 ruahman a ni. Tun \uma inthlanna neih turah hian Vote thlakna khawl, Electronic Voting Machine (EVM) chu hman leh tur niin tunhma lama hman \hin ECIL siam chu Court-ah thubuai nei lai a nih avangin hman a ni dawn lova, Bharat Electronics Ltd. (BEL) company siam EVM chu hman tur niin hemi atan hian EVM 1716 te chu hman turin peihfel vek a ni.
    Tum \uma inthlanpui neih ah hian vote thlaktu ten Candidate zinga an vote te a dik ngei tih paper hmanga rawn print-na tur, Voter Verifiable Paper Audit Trail (VVPAT) chu hman a ni dawn bawk a, VVPAT hi Polling Station 385-ah hman tura tih niin VVPAT hmanna turte hi Aizawl khawpui chhunga Polling Station zawng zawng, District Hqrs. hrang hrang, Mamit, Kolasib, Champhai, Serchhip, Lunglei, Lawng-tlai leh Saiha khawpuia Polling Station zawng zawng ah te hman a ni dawn a, heng bakah hian Civil Sub-Divisional Hqrs. thlanchhuah panga, Saitual, Khawzawl, Vairengte, Then-zawl leh Hnahthial-ah te hman a ni dawn a, mahse heng bial chhunga Polling Station zawng zawngah hian hmang lovin Polling Station thlanbik ah te hman a ni dawn a ni.


Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni