Ministry of Youth Affairs & Sports bul tumin Serchhip-ah rualbanlote tana Sports neih \an a ni.

Sorkar laipui-a Ministry of Youth Affairs & Sport bultumin Serchhip District chhunga Rualbanlote tana Sports chu nimin April 2, 2014 khan Serchhip-a Leisekawt Mual-ah neih \an a ni.
Nimin a \an rualbanlo te tana buatsaih ‘Sport &Games for Disable’ tia vuah hi District Bawrhsap, Dr. Franklin Laltinkhuma chuan nimin khan Serchhip P&E Veng-a Leisekawt Mual-ah a hawng a, Special Olympic Bharat Mizoram chapter in Serchhip District chhunga rualbanlo ten hma an sawn theih nan a programme a buatsaih chu lawmawm a tih thu sawiin, rualbanlohna hi chhungkaw tinah engtik lai pawhina thleng thei a nih avangin hetiang mite hi kan hmu hniam mai tur a nilo a ti bawk. He hunah hian Pi Sarah Lalmuankimi Programme Manager Special Olympic Bharat, Mizoram pawhin thu sawiin, hmun hrang hrang a rualbanlote enkawla zirtirtu te bakah \hahnemngai taka tha leh zung seng tute hnen ah lawmthu a sawiin, rualbanlo te tana Sport buatsaih a nih dan a sawi a, India ram hmun hrnag hrang ah pianphung leh rilru lama rualbanlo te hi enhran an nih bik loh zia a lanchhuah theihna tura ruahman a nih thu a sawi bawk.
District Sport & Games for Disable hi Ministry of Youth Affairs hnuaia Sports & Games for Disable Scheme a\anga buatsaih a ni a, Serchhip District chhung a\angin khaw hrang hrang East Lungdar, Khawlailung, Thenzawl, Chhingchhip, Kei\um leh Serchhip khawchhung a\angin Sport a tel tur hian Shaloam Special School naupang te nen mi 100 chuang an tel a, infiamna chi hrang hrang Athletics, 100x4 relay race, 100m Race, 50m Race leh25m Whellchair Race ah te inelna neih a ni dawn a, BOCCE leh A-side football ah te inelna neih a ni dawn bawk a ni. Nimin a he Sports hawnna hun hi Pu Lalthanzira DPC, SSA Serchhip chuan kaihruaiin Aizawl a\angin Pi Sarah Lalmuankimi Programme Manger SOB, Lalchungnunga Master Trainer, Lalthianghlimi Coach SOB leh Lalbiakdiki Master Trainer ten an rawn hmanpui bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni