Lok Sabha inthlanpuia vote tlak dan hriat zel niin vote za zela 62 a tlak phak beisei a ni.

Mizoram Lok Sabha inthlanpui April 11, 2014-a neih zawh taka vote tlak dan hriatchian chhoh zel a ni a, hriat theih chinah vote tla hi za zela 61.05 tling tawhin vote tla hi 62% a tlin beisei a ni.
Mizoram in Lok Sabha seat khat a neih hnawhkhahna tura inthlanpui Zirtawpni kalta, April 11, 2014-a neih a vote tlak dan hriat chhoh mek zel a ni a, hriat theih chinah he inthlanna a vote tla zat chu 61.05% a ni a, hetah hian Tripura Camp-a Tuikuk vote thlak lehService Voters ten Postal Ballot hmanga vote an thlak te ala tello a, heng zawng zawng nen belhkhawm anih hunah chuan vote tla zat hi 62% a tlin ngei rin a ni. Joint Chief Electoral Officer, Pu H. Lalengmawia chuan Mihring kan buai tawh avangin a kum telin MP inthlan ah hian vote tla hi a hniam zawng zelin a kal tih sawiin, mahse tun \um MP inthlan ah chuan Party hrang hrang te, Media leh tlawmngai pawlte \hahnemngaihna azarah kum 2009 a vote 50.93% chauh tla kha kumin ah chuan 61.05% a tla tih a sawi a, Postal vote leh Tuikuk vote nen chuan 62% a tling ngei dawna an hriat thu a sawi a. State dangah pawh MLA inthlan ai chuan MP inthlanah vote tla percentage hi a hniam zel tih sawiin, MLA nen khaikhin theih a nihloh thu a sawi a. “Inthlan hmasa aia 10% ngawta kan sang hi lawm awm kan ti a, state dangah hetiang hi a awm ka ringlo a ni,” a ti bawk.
    Tun \uma Lok Sabha inthlanpui ah hian Serchhip District chu vote tlak \hatna ber nia hriat niin Polling Station 77-a vote tla zat chu za zela 67.77 a ni a, Vote tlak \hatlohna ber Kolsib District-ah chuan Polling Station 76-a vote tla zat chu za zela 57.67 a tla a ni. Saiha District-a Polling Station 73-ah 62.46% tlain Lawngtlai District-a Polling Station 159-a vote tla zat chu za zela 64.84 a tling a, Lunglei-a Polling Station 175-a vote tla chu za zela 62.03 a tling a ni. Champhai District-a Polling Station 133-ah vote 60.45% a tla a, Aizawl District-a Polling Station 323-a vote tla zat chu za zela 58.70 a tling bawk a ni. Tun \uma Lok Sabha inthlanpui neih ah hian Chief Electoral Officer, Pu Aswani Kumar chuan khawi a\ang mahin complaint an dawnglo tih a sawi a, vote thlakna khawl EVM 7 leh VVPAT 25 te chu thlak leh an ni tih sawiin, heng te pawh hi a chhiat dan serious tak ni lovin fello zeuh awm ah fimkhur vanga thlak mai an ni, a ti a. Vote thlak hun chhung, zing dar 7:00 a\anga tlai dar 5 inkarah vote thlak hmanlo an awmlo niin a sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man