Lok Sabha inthlanpui tluang taka neih a ni. Mizoram pumah vote 59.16% vel a tla.

Mizoram in Lok Sabha Seat khat a neih luah tura Lok Sabha inthlanpui chu nimin April 11, 2014 khan tluang taka neih a ni a, khawi hmun a\ang mahin thil duhawmlo a thlen hriat a ni lo.

Mizoram Lok Sabha inthlanpui vawi 16-na atan nimin zing dar 7:00 a\ang khan Mizoram pumah vote nei ten vote an thlak a, hmun \henkhat ah EVM leh VVPAT chung-changa harsatna tlem tlem thleng tihloh chu harsatna awm lovin he inthlanna hi tluang taka neih a ni a, EVM leh VVPAT a harsatna awm te pawh hi khawl thara thlak a nih hnuah vote thlakna hi tluang taka neih a ni a, khawi hmun a\ang mahin thil duhawmlo a thlen thu hriat a ni lova, nimin tlai dar 5:00 thleng khan vote tle hi 59.16% a ni a, mahse hetah hian report lut felfai tawklo leh hmun \henkhat ah report ala famkim loh avangin ala danglam hlek thei a ni tih Election Office lam chuan an sawi.
    Mizoram hian kum 1972 a\ang khan ama pualin MP a nei tan a, Mizoram in Lok Sabha MP a neih hmasak ber chu Sangliana niin Mizo Union hmingin kum 1972 khan MP ah hian thlantlin a ni a, chumi hnuah kum 1977 khan Dr. R. Ro\huama chu PC ticket-a thlantlin leh a ni a, Dr. R. Ro\huama bawk hi kum 1980 khan Independent-a thlantlin leh niin, Mizo zinga MP term \um hnih chelh hmasa ber a ni. Kum 1984 khan Lalduhoma chu Congress party aiawhin MP atana thlantlin a ni a, ani hi chuhtu awm lova MP tling awm chhun a ni. Kum 1991 khan Dr. C. Silvera chu Congress party ticket-a thlantlin a ni a, amah vek hi kum 1996 khan MP atana thlantlin nawn leh niin a term hnihna ah Central Minister niin Health a chang hial a, Mizo zingah Central-a Minister hmasa ber leh la awmchhun a ni. 1998-ah MP thlan a ni leh a, Dr. H. Lallungmuana chu Independent candidate niin thlantlin a ni a, mahse, central politics buai vangin kum khat chauh a ni hman thung. Kum 1999-ah inthlanna neih leh niin, hetah hian Independent candidate tho Vanlalzawma chu thlantlin niin kum 2004 MP thlanah thlantlin leh a ni. April ni 16, 2009 a Lok Sabha MP thlannaah khan INC Candidate, Pu CL. Ruala chu thlantlin leh niin ani hian Vawiin thlengin MP nihna hi ala chelh a ni.