LADC VC inthlan ah Congress che\ha

Lai Autonomous District Council (LADC) huamchhung VC 93-a inthlanna neihah rorellai Congress party in VC 57 ah hnehna an chang a. MNF in VC 6 la in ZNP leh MPC ten lak an neilo thung.
LADC huam-chhunga VC inthlanpui March 25, 2014-a neih a vote tla te chu niminpiah, April 15, 2014 nileng leh nizan hmasa khan tlaivar \haka chhiar a nih hnuah nimin zing khan chhiar zawh a ni a, he inthlanna VC 93-a neih ah hian VC 8 ah Congress Candidate te chuhtu awm lova tlinga puan te nen Congress party hian VC 57-ah hnehna an chang a, MNF in VC 6 lain Independent in hnehna an channa khaw 20 a awm a, Party mala chak bik awmlohna khaw 10 a awm bawk. He Inthlanna ah hian General Seat 445 awmah Congress in 225 an la a, MNF in 33 leh Independent in 94 an la a, Hmeichhia te tana seat hauh sakna, Reserved seat ah Congress in 62 la in MNF in 9 leh Independent in 22 an la a ni. Lai Autonomous District Council huamchhung VC 93-ah hian thlahlui March ni 25 khan vote thlak a ni a, ruahman lawk ang chuan vote tla te hi chhiar nghal tura tih a ni a, amaherawh chu Lok Sabha inthlanpui neih tur puan chhunzawm a nih avangin result puan hun chu tih khawtlai a nih hnuah niminpiah khan Vote hi chhiar a ni ta a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai