Kumkhat chhunga Serchhip damdawi In a thisen pek ah a thlawna pek 97.34% tling phak.

Kum 2013 April thla a\anga kumin (2014) March 31 thleng  khan JN Hospital Serchhip Blood Bank-ah thisen Unit 678 pek a ni a, heng zinga Unit 660 (97.34%) chu mi tlawmngai ten a thlawna an pek a ni a, a bak Unit 18 (2.65%) chu mi tute emaw tan bika pek a ni.
He thu hi BCM Bungtlang Pastor Bial in Bial rorel tih hlawhtlinna atana Good Friday puala a mamawhte tana a thlawna thisen pekna hun, nimin April 21, 2014-a Bungtlang-a an buatsaih ah AVBD Serchhip Branch-a Joint Secretary, Tv. Zonunsanga Kawlni chuan a sawi a, he huna tarlan a nih dan chuan nikum April ni 1 a\anga kumin March 31 chhung khan JN Hospital Serchhip Blood Bank hian a huhova thisen pekna hun, Voluntary Blood Donation Camp \um 17 buatsaihin heng Camp hrang hrangah hian thisen Unit 609 (89.82%) lak a ni a, heng bakah hian mahni a Blood Bank-a kala thisen pek Unit 51 (7.52%) awmin a bak Unit 18 (2.65%) chu mi tute emaw tan bika thisen pek a ni thung a ni. Hemi hun chhunga Serchhip Blood Bank-a thisen pe zawng zawng zingah hian mipa 563 (83.03%) niin hmeichhia thisen pe hi 115 (16.96%) an ni thung a ni.
    Kum khat chhunga a huhova a thlawna thisen pe zingah hian Kohhran |halai hminga thisen pek tam berin \um 7 pek a ni a, heng ah hian thisen pe mipa 186 leh hmeichhia 38, an vaiin mi 224 ten thisen an pe a. YMA hminga thisen pe Branch 4 awmin mipa 126 leh hmeichhia 26, an vaiin mi 152 ten thisen pein zirna In hminga thisen pek \umkhat awmin mipa 41 leh hmeichhia 9 in thisen an pe bawk a. Heng bakah hian pawl dang hminga thisen pek \um 5 awmin heng ah hian mipa 151 leh hmeichhia 32, an vaiin mi 183 ten thisen an pe bawk a ni. Hemi hun chhung hian Serchhip Town chhungah Voluntary Blood Donation Camp hi \um 14 buatsaih niin Town pawn lamah \um 3 buatsaih a ni bawk a ni. Nimin a BCM Bungtlang Pastor Bial ten a thlawna thisen pekna hun an buatsaih ah hian bialtu Pastor, Rev. PC. Lalropuia chuan hunserh a hmang a, mi tlawmngai te thisen hi JN Hospital Serchhip Blood Bank a\angin Dr. Lalnunhlima leh thawktu dang ten lak sakin thisen hi Mipa 42 leh hmeichhia 4, an vaiin mi 46 in an pe a ni. BCM Bungtlang Pastor Bial ah hian |KP Unit 3 a awm mek a ni

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn