Kumin chhungin Malaria vei 688 hmuh ni tawhin Serchhip District-ah hmuh an la awmlo thung.

Kumin 2014 February thla thleng khan Mizoram chhungah Lawngtlai leh Lunglei District ah te Malaria vei hmuhchhuah an tam filawr hle a,Serchhip District-ah chuan Malaria vei hmuhchhuah an awmlo thung a ni.
Nimin April 3, 2014 khan Anti-Malaria Month hawnna Health Directorate Conference Hall, Aizawl-a neihah Mizoram Malaria dinhmun hi tarlan a ni a. Chuta tarlan anih dan chuan kumin chhungin thisen 30,734 enfiah niin, Lawngtlai leh Lunglei District-ah te Malaria hrik pai an hmu hnem hle a. Aizawl East District-ah thisen 7427 endik a niin Malaria vei 13 hmuh an ni a, Aizawl West ah mi 4596 endikin 10 hmuh a ni a, Lunglei District-ah mi 4,219 endikin Malaria vei 236 hmuh a ni a, Saiha District-ah mi 1836 endikin Malaria vei 35 hmuh a ni a, Kolasib District-ah mi 3554 endikin Malaria vei 32 hmuh a ni a, Mamit District-ah mi 1566 endikin Malaria vei 64 hmuh a ni a, Champhai District-ah mi 1535 endikin Malaria vei mi 1 hmuh a ni a, Lawngtlai District-ah mi 3,826 endikah 297 hmuh a ni a, Serchhip District-ah mi 2175 endikah pakhatmah hmuh a ni lo a. Heti hian Mizoram pumah kumin hian mi 30,734 te thisen endikah Malaria vei 688 hmuh a ni a, thihpui erawh an la awm lo a. Nikum (2013) khan India ramah mi 8,36,916 in Malaria veiin Malaria vangin mi 359 an thi a, chung zinga 21 te chu Mizoram chhung ami an nih thu tarlan a ni bawk.
    Nimin a Anti-Malaria Month hawnna inkhawma Khuallian Pu R.L. Rinawma, Principal Secretary, Health & Family Welfare Department chuan June thla hi Anti-Malaria month atan India ramah hman \hin a nih thu sawiin, Mizoram-ah chuan April thla hi fur ruahtui tlak tak tak hma leh Malaria natna hluar tak tak hma anih an hman zawk thu a sawi bawk. Malaria do nan hian kumtin DDT vawihnih kah \hin niin tunah hian a vawikhatna atan kah leh mek a ni bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni