EVM-a inpuhna kal zelah Lalmuanhlua man a ni.

EVM tihchingpen chungchanga Chief Minister Lal Thanhawla puhtu te zinga mi pakhat Lalmuanhlua chu nizan hmasa, April 21 zan dar 11:00 vel khan Mizoram Police ten Aizawl Thakthing Veng-a MNF |halai Joint Secretary, HP. Zonunsanga In ah an man nia thudawn a ni.

Mizoram Police te hmaa a sawi danin Lalmuanhlua hian April 8, 2014 khan ama hriat lawk nilovin Durtlang a\angin Pu K. Chhawn\huama ruala an man, K. Lalhruaitluanga (Mapuia) chuan a hruai chhuak a, an kalna tur lam pawh hre lo niin a in sawi a, Phunchawng an thlen hnuah Kolkata lam pan tum an nih thu a hrilh chauh thu leh chumi hnu chuan a Mobile Phone pawh off turin a hrilh a. Aizawl a Police hmaa a inpuanna te tidarh anih avangin Lalmuanhlua chuan a Pu, Pu K Chhawn\huama leh Michael Chhakchhuak ten statement hran an siam tir a, hei hi video in Mapuia hian alo siam niin a sawi bawk a ni. Hemi hnu hian hmun hrang hrang an kal kual pui hnuah Michael Chhakchhuak thurawn angin tun thla ni 20 khan Aizawl a rawn kir leh tih sawiin, hetah hian MNF |halai ho ten an lo hmuak niin a sawi a, Police te hnenah hian an zin kualna velah Pi B. Sangkhumi nen pawh inkawmna an neih thu leh ani hian Phonee leina tur pawisa te a pek thu a sawi bawk. Lalmuanhlua hi nimin khan Police te chuan thu an zawtfiah a, Lalmuanhlua hi Court ah hruai lovin thu an zawhfiahna hmunah hian Chief Judicial Magistrate in kalchilhin Camp Court an nei a, Police ten kawl rih an dilna chu phalsakin Police kutah hian darkar 72 awm phawt turin an ti nia thudawn a ni bawk.