District huap Volleyball khelh \an a ni

Serchhip District huap Volleyball Tournament chu nimin April 1, 2014 khan Serchhip Chanmari Volleyball Court-ah khelh \an a ni.
Chanmari Volleyball Club buatsaih he Volleyball Tournament hi YMA Sub-Hqrs. Serchhip a Treasurer, Pu Vanlalhluna chuan hawngin Biak In chhung leh Pulpit chauh hi rawngbawlna tur a nih loh thu sawiin, \halai te ruihhlo laka an fihlim theihna tur leh a lo ti \hin te pawhin ruihhlo an bansan theihna tura hetiang Tournament buatsaih a ni chu lawmawm a tih thu sawiin, hei hi Pathian rawngbawlna pawimawh tak a nih thu a sawi a. Tun \uma Tournament-a tel te chu anmahni Veng leh khua \heuh ah \hangthar te infiamna lama tihhmuhtu nih tum turin a chah bawk. Chanmari Volleyball Club President, Pu Ramthianghlima Ralte kaihhruai he hunah hian Serchhip District Volleyball Association President, Pu K. Tlang-thanmawia pawhin tun \um hi Serchhip-a Club mal in District huap Tournament an huaihawtna hmasa ber a nih thu sawiin, hetianga Tournament huaihawt a nih theih nana hma latu te chungah lawmthu a sawi bawk. Nimin a khelh \an he Volleyball Tournament ah hian Club 10 telin khaw pawn a\angin Thenzawl leh Hriangtlang pawh an rawn tel a, Team 10 tel te hi Pool 2-ah \henin Pool khata awm te hi an inkhelh kual \heuh hnuah a sang pahnih ten Semi Final an lut ang. He Tournament hi R. Rengbuaia, F. Zo-liana leh H. Lalngaihawma te hriatrengna atana buatsaih niin champion in Rs. 5000/- an dawng ang.

Popular News

Mizoram-ah Faina Hapta hman \an leh a ni

Retailer bukna diklo 3 man