Congress candidate in thu-thar lakhawmtute a kawm

MPCC in Lok Sabha inthlanpui neih tura an candidate, Pu CL. Ruala chuan tun inthlan tur chu Secular Force leh Communal Force inbeihna a nih leh dawn a ti.
Pu CL. Ruala hian nimin March 31, 2014 khan Aizawl ah thu-thar lakhawmtute kawmin tun \uma Lok Sabha inthlanpui ah hian Congress leh BJP inbeihna a ni dawn tih a sawi a, Kristiante min nekchep \hin tu BJP leh a thawhpuitute, chakna ringawt thlahlel a Mizoram a\anga thawhpui an ni hi hriatthiam a har hle a ni, a ti.
    Pu CL. Ruala chuan ram hma-sawnna thawhna tur kawngah, mimal in Project siama bawhzui thei leh bawh-zui tura mipuite hma a intiam a, chutiang ti thei tura kan inngai a nih chuan, thil tihtheihloh a ni tiin mipui bum tumna a ni, a ti a. State sorkar project bawhzui chu MP te hna ber a ni tiin, ‘Sorkar department in project a siam a, chumi lo bawhzui chu kan hna a ni a, mahni a project siam a, thehluh tum kan nih chuan, a theih loh,’ a ti bawk.
    Hei bakah hian Pu CL. Ruala chuan Parliament chhung aiin a pawn-lam chu an hnathawhna hmun tur zawk a ni tih sawiin, tunhnaia mi \henkhatin Parliament House chhunga hnathawk \ha tawklo leh zawhna pawh zawt ngai lo, MP ngawireng anga an sawina chu, ‘Tuten emaw hetiang thu vawrhdarh a, document pawh awmlo hmanga mipui bum an tum hi an document mipui hmuha pholang turin ka phut a, pholang ngei rawh se’ a ti a. Zawhna chhangin MP term a hman liam taka a hnathawhah a lungawi tawk tih a sawi a, ‘Bawhzui tur erawh ka la ngah hle,’ a ti bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai