Code of Conducts bawhchhia ah puh

Congress Party chuan UDF Candidate Pu Robert Romawia Royte chu Model Code of Conduct bawh-chhia ah puhin nimin (April 3, 2014) khan Lok Sabha inthlanpui neih tura Mizoram tana Returning Officer hnenah a \ul anga hma la tura ngenna an thlen.
Pu Robert Romawia Royte hian niminpiah-a Saiha-a Vantlang inkhawmah thlan tlin anih chuan an Company sum hmanga lawmman pek a tiam nia sawiin, hei hi Congress Party chuan dan bawh-chhiatna a ni, an ti a. Hemi chungchangah hian nimin tlai dar 4:00 khan Lok Sabha inthlanpui neih tura Mizoram tana Returning Officer, Pi Juhee Mukherjee hnenah dan anga a chunga action la tura ngenna hi an thehlut ta a ni. Hetianga Congress Party te lehkha an thehluh hi Returning Officer chuan a zirchian nghal tur thu a sawi a, hemi chungchang hi Saiha DEO pawh zirchiang turin a hrilh tawh tih a sawi bawk. Hemi chungchanga zawhna chhangin Returing Officer, Pi Juhee Mukherjee chuan UDF candidate hnenah pawh hian nimin tlai vek khan ni thum chhunga insawifiah tura hriattirna a pe nghal tih sawiin, hetianga mipuite hnena intiamkamna siam hi Representation of Peoples (RP) Act Section 123 na in a khap a ni tih Returning Officer chuan a sawi bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai