Chhingchhip-a Sainik School sak hna thawk mek Kum 2015-ah zawhfel hman beisei a ni.

Serchhip District chhung, Chhingchhip khua a Sainik School sak hna chu chak taka chhunzawm mek zel niin nakum (2015) ah zawhfel hman an beisei tih he hna thawktute chuan an sawi.
Chhingchhip khuaa Sainik School sak mek hi tunkar Ningani, April 17, 2014 khan Parliamentary Secretary, Lt. Col. (Rtd) ZS. Zuala, MLA chuan tlawhin Sainik School sak mek hna thawktu ten an lo dawngsawng a. Sainik School sak mekah hian Hindustan Prefed Ltd. (HPL) te Executive Agency niin anni hnuaiah hian Prasad Company ten Construction Works an thawk mek a. Pawisa cheng vbc 37.23 hmuh tawh niin tunah hian Administrative Building sak \an mek a ni a, Company hotute chuan tun dinhmunah harsatna an neih loh thu leh engkim tluang taka a kal thu te an sawi a, hnathawh hun an \an tlai avang erawh chuan kum 2014 a peih hman tura tih nimahse kum 2015 a zawh theih an tum thu an sawi a ni.
    Sainik School hi Chhingchhip khawchhunga National Highway-54 a\anga pengin a penna lai hi a chep deuh avangin helai kawng siamrem dan tur hi Parliamentary Secretary hian a enfiah nghal bawk a, helai kawng siamrem hna thawh a ngaih rih avang hian hna pawh chawlh lailawk rih deuh niin tunah hian kawng kal dan tur hi tihfel a ni tawh a, kawng siam hna pawh thawh chhunzawm leh thuai tura tih a ni. Hei bakah hian Lt. Col. ZS. Zuala chuan Sainik School atana ruahmanna siam laiia tello Swiming Pool chu siam tel turin a ti a, Contractor te chu a \ha thei ang ber leh mawi taka he School hi sa turin a chah a, harsatna a awm chuan a rang thei anga amah hrilh \hin turin a chah bawk. Chhingchhip-a Sainik School sak hna thawh mek hi 3rd party monitoning agency atan NECS hman an ni a, Lt. Col. ZS. Zuala hi KVI Board Chairman, Pu K. Lianzuala chuan \awiawmin helai hmun tlawhtute hian a hmunhma buatsaih danah Plan anga thil kallo hmuchhuak in Contractor te chu a nihna ang taka siam\ha turin an hrilh nghal bawk.

Popular News

Mizoram-ah Faina Hapta hman \an leh a ni

Retailer bukna diklo 3 man