Cheng nuai 60 tichingpentu a puh hremna tichhuak.

Kum 1998 a cheng nuai 60 tichingpena puh Pu H. Laldova (69) chu Pu Vanlalenmawia, Addl. District & Session Judge, Lunglei District chuan kum 1 tang tur leh Rs. 1000/- chawi turin a chungthu a rel sak.

Thulakna in a tarlan danin Pu H. Laldova hi Chakma Rest House, Lunglei a Laison Officer anih laiin kum 1998 khan Cheng nuai 60 tichingpena puh niin, kum 2002 ah thubuai awrhtir a ni a. A chungchang hi kum 2013 ah Pi Ngursangzuali, 1st Class Magistrate chuan ngaihtuahin, kum 3 tang turin thutlukna a siam a. Hemi hnu hian Pu H. Laldova hian Ukil te ruaiin Addl. District & Session Judge, Court Lunglei ah a chunga thuremna awm chu ngaihtuah \ha leh turin a ngen a. He thubuai hi Addl. District & Session Judge chuan a hma a 1st Class Magistrate thutlukna chu nemnghetin, a hremna erawh Pu R. Vanlalena, Chief Judicial Magistrate ngaihtuah turin a ti a. Chief Judicial Magistrate chuan a upatna te, a hrisellohna te ngaihtuah telin, kum 1 tang tur leh Rs. 1000/- chawi turin thu a rem a. Hemi hnu hian Pu H.Laldova hian Court ah appeal lehin, Pu Vanlalenmawia, Addl. District & Session Judge, Lunglei chuan ahma a Chief Judicial Magistrate thutlukna lo siam tawh chu 31st March, 2014 khan a nemnghet leh ta a ni.