Chanchinthar thenkhat :

Serchhip-ah campaign
@@ Naktip maia Lok Sabha in-thlanpui neih tur atan Serchhip-ah campaign ngawrh taka neih a ni a, Congress President, Pu Lal Than-hawla chuan Inrinni khan an candidate, Pu CL. Ruala tana campaign neiin Serchhip Bazar-a vantlang inkhawm neih ah thu a sawi a. MNF President, Pu Zoramthanga pawhin UDF thlawp Independent Candidate, Pu Robert Romawia Royte tana campaign neiin Inrinni tlai vek khan Serchhip a rawn lut a, Zan lamah Local Cable TV kaltlangin thu a sawi bawk a ni.

Observer rawn thleng
@@ Election Commission of India in Hrangturzo Assembly Constituency bye-election lo awm tur atana General Observer tura a ruat Gopal Swami chuan Inrinni tlai khan Serchhip a thleng a, Election kaih-hnawih thila amah be duh tan Mobile no. 9862298399/9414077786 ah biakpawh theih reng a ni a, amah hmu duh tan Observer Room, Serchhip DC Office ah 10:00 AM – 11:00 AM inkarah hmuhtheih reng ani bawk ang.

New Serchhip champion
@@ Serchhip Chanmari Volleyball Club buatsaih Team 10 telna Volleyball Tournament chu Inrinni khan khelh zawh a ni ta a. Final-ah hian Friends Club, New Serchhip chuan S. Chhim Veng Volleyball Club hneha champion in Rs. 5000/- an dawng a ni.

Silai leh a Mu man hnem
@@ Champhai Khankawn Police Check Post-a duty Police te chuan Zirtawp zan khan Zokhawthar a\anga Aizawl lam pan Maxi Cab pakhat a\angin Silai, a Mu leh a neitu nia hriat an man a, heng an man te hi AK-47 silai 4 leh M4A1 silai 1 bakah AK- 47 mu 1,200 leh M4A1 mu 12 te a ni a, a neitu leh mawhphurtu nia ngaih,V. Laithanga (47) s/o V Ngunliana, Saron Veng Aizawl leh a thurualpui, Zamanga (44) s/o Chawngliana (L) Tahan Myanmar te chu manin midang pakhat tlanbo chu zawn mek a ni.

Bandh neih tur thlawp
@@ Mizoram a MP inthlan boruaka Tuikuk te vote thlaktir leh Mizoram pawna vote chhiar tum chungchang duh lohna lantira NGO Co-ordination Committee Total Bandh an huaihawt tur chu Mizoram Merchant Association  (MIMA)chuan a thlawp tih thuchhuah siamin an puang a. Hetih lai hian Young Lai Association (YLA) chuan he Total Bandh neih tur hi an thlawp tih sawiin, amaherawh chu Total Bandh hi kalpui veloh nise an ti.
@@ Mizoram Police leh Assam Rifles \angkawp te chuan Zirtawpni kalta, April 4, 2014 khan Rangva-mual-ah Bomb thawk na chi RDX tia hriat Kg. 3 a rit an man a, RDX hi Hminglianthang (50), Mimbung khaw mi, tuna Dawrpui Vengthar-a khasa mek nia insawi hnen a\anga man a ni a, an thil man hi Market rate-ah chuan cheng nuai 15 man vel nia chhut niin Police te chuan thubuai an ziaklut nghal a ni.

Tual\o Party \anho \ul ti
@@ North East Regional Party Forum (NERPF) Chairman, Neiphiu Rio chuan UDF tana campaign in Inrinni khan Aizawl-ah thu a sawi a, hmar-chhak State te harsatna sukiang turin tual\o Party te \anho a ngai niin a sawi.

Popular News

Mizoram-ah Faina Hapta hman \an leh a ni

Retailer bukna diklo 3 man