Chanchinthar thenkhat :

Dilna thehluh theih :
@@ Serchhip District chhunga mi MP Election leh Hrangturzo Assembly Constituency Bye-Election lo awm tur a Election Duty a kalchhuak tur te tan Postal Ballot (PB)/Election Duty Certificate (EDC) hmanga vote thlak theih a ni dawn a, Postal Ballot (PB)/Election Duty Certificate (EDC) hmanga vote thlak tum te chuan April ni 5, 2014 (Inrinni) tlai dar 5:00 PM ral hmain Pu Lawmkima, Nodal Officer for Postal Ballot/Election Duty Certificate leh SDO (Sadar), Serchhip ni bawk hnenah dilna thehluh hman ngei ngei tur a ni.

Volleyball khel \an dawn
@@ Serchhip Chanmari Volleyball Club buatsaih Serchhip District huap Volleyball Tournament chu Vawiin hian Chanmari Volleyball Court-ah khelh \an a ni dawn a, Pu Vanlalhluna, Treasurer, YMA Sub-Hqrs. Serchhip chuan Tournament hi hawngin khual a\ang pawhin Team 3 vel rawn tel tur an awm nia thu-dawn a ni bawk.

Sorkar kumhlui liam
@@ Sorkar kumhlui (2013-2014) chu liamin Vawiin a\ang hian sor-kar kumthar (2014-2015) chu a in\an dawn ta a, nizan a sorkar kum-hlui a liam hma khan Department tam tak chuan sorkar kumhlui a sum hmanloha a liam lohna turin hma an la a, hei vang hian sorkar sum hi hman hmanloha liam awmlo tura ngaih a ni.

Zaipawl Intawhkhawm
@@ All India Radio (AIR) Aizawl chuan Vawiin April ni 1, 2014 chaw-hnu dar 1:00 hian Zaipawl Intawh-khawm hun chu Vanapa Hall-ah a buatsaih dawn a. he hunah hian Mizoram chhung hmun hrang hrang leh Kohhran hrang hrang zaipawl \ha ber ber te an zai dawn a, a duh apiang tel turin an sawm a ni.

Khawtlang in kawngpui siam
@@ Rulchawm khawtlang chuan an pawisa thawhkhawm hmangin an khua a kawngpui blacktop hna an thawk a, Rulchawm khua ah hian an khaw-chhung kawngpui laihzauh hna hi MGNREGS a\anga thawkin ni 100 inhlawhna tura thawh tur chu hnatlang a thawkin an hlawh an khawlkhawm a, hemi hmang hian Boulder leiin hna-tlangin Rora an chhu a, hetiang hian kawngpui hi blacktop in sum in a daihloh avangin Bank-ah cheng nuai 4 an puk belh bawk a ni.

VVPAT-ah Symbol dah
@@ Lok Sabha inthlanpui neih turah Lawngtlai khawpui chhunga Polling Station 17-ah chuan VVPAT hman a ni dawn a, hemi atana inbuatsaihna kal zelah nimin March 31 khan VV-PAT khawlah Election Symbol te dahluh fel a ni a, Symbol dahluhte hi a \hain dik takin hna a thawk ngei em tia vote thlak chin leh vek niin a tawpah Political party hrang hrang ten pawmpuiin hming an ziahhnan a ni.

Synod in Budget khum
@@ Mizoram Presbyterian Kohhran Synod chuan kum 2013-2014 atana a sum ruahman (budget) chu Rs. 57,72,715/- in a khum tawh a, Synod sum hmuh tura ruahman lawk hi Rs. 127,25,83,000/- a nih laiin sum an hmuh tawh thu Rs. 127,83,55,715/- a tling tawh a, Pastoral-ah hmuh tura chhut zat Rs. 4,86,12,601/- a an la phakloh laiin Mission-ah chuan budget hi Rs. 5,43,85,316/- in an khum tawh thung a ni.

Campaign nei zui mek zel
@@ Lok Sabha inthlanpui neih tura UDF thlawp Independent Candidate, Pu Robert Romawia Royte chuan nimin khan Aizawl a\anga chhimlam panin Campaign a nei chhunzawm leh a. Hetihlai hian AAP Candidate, Pu M. Lalmanzuala pawhin campaign chhunzawm mek zelin nimin khan Kolasib a tlawh a, thuthar lakhawm-tute a kawm nghal bawk.

Popular News

Mizoram-ah Faina Hapta hman \an leh a ni

Retailer bukna diklo 3 man