Chanchinthar tawi :

Inthlanpui a duty turte training :

@@ Lok Sabha inthlan leh Hrangturzo bial bye-election neih tura inthlan buaipuitu turte tana training thawh thumna chu nimin April 3, 2014 khan Govt. Higher Secondary School, Serchhip-ah neih leh a ni a, tun \uma inthlanpui neih turah hian Serchhip District-ah PRO mi 103 leh reserve mi 26, APRO (1st Polling Official)-ah mi 102 leh reserve-ah mi 25 leh 2nd Polling Official-ah mi 231 leh reserve-ah mi 52 ruat an ni.

Harhna Ni hmang dawn
@@ Vawiin April 4, 2014 hi Mizo-ram-a Harhna a thlen champhaphak, Harhna Ni a ni a, Harhna Ni hi kum 1906-a Welsh rama Harhna darh zau zel, Meghalaya-a cheng Khasi mite Harhna a\anga Mizoram in a dawn ve niin hei hi Mizoram-a Harhna a thlen hmasak ber nia hriat a ni. Harhna Ni pual hian Presbyterian Kohhran chuan Programme \umkhat siamin ‘Kan mamawh Pathian thu-taka harhna’ tih chu thupui ah hman a ni anga. Baptist Kohhran chuan he Ni hman dan tur hi tualchhung kohhran kutah dahin ‘Harh a hun tawh tak zet’ tih chu thupui ah hman a ni ang.


Petrol man tihniam hret
@@ Tun thla ni 1 a\anga hman \an khan Mizoram-ah Petrol man chu tih danglam leh a ni a. Hemi ang hian Serchhip-ah chuan Petrol pangngai litre khat zela a hmaa Rs. 71.94 ni \hin chu Rs. 71.04 a ni tawh a, Xtra Premium (XP) a hmaa Rs. 80.94 ni \hin pawh Rs. 80.04 a ni tawh ang. Hetihlai hian Diesel (HSD) a hmaa litre khat zela Rs. 54.78 ni mek erawh tih danglam a nilo thung.

Election Bulletin buatsaih
@@ DDK Aizawl chuan inthlan vuak-vet thu thar ber ber live-a sawihona, Election Bulletin chu nitin a tichhuak a, hei hi April 9 thleng neih tur niin Thawh\an leh Ningani-ah dar 4:30 PM-ah tichhuakin a bak nidang ah tlai dar 6:00-ah tihchhuah a ni ang.

MNF President campaign
@@ MNF President, Pu Zoram-thanga chuan nimin khan Lunglei-a Mizo Hnam Run-ah thu sawiin MP inthlan leh Hrangturzo Bye-election lo awm turah a ni tel in UDF Candidate boruak a \ha telh telh niin a sawi a, MP inthlanpui neih tura Congress Candidate Pu CL. Ruala chu mi \ha tak nia sawiin, amaherawh chu, Central ah BJP leh a kaihhruai NDA in sorkarna an siam dawn tih a chian chhoh zel avangin, Central in tukhum min chhawnloh nan Mizo mipuiten a ngaihna hria leh mi thiam zawk Pu Robert Romawia Royte lamah an rilru an pe vek niin a sawi bawk.

Dan kengkawh turin phut
@@ Lai Students’ Association (LSA) Lawngtlai chuan hnamdang hnena Trade Licence hawh tir awm \hin chu endik turin thuneitute a phut thu nimin khan Lawngtlai-ah thuthar lakhawmtute kawmin an sawi a, hnamdang hnena Trade Licence hawh leh hman tir te chunga hremna dan awm reng chu kenkawh an phut a ni.

Tripura-ah vote thlak zo
@@ Mizoram Lok Sabha inthlanpui kal mekah Tripura-a Tuikuk Camp hrang hrang 6-a vote thlakna hun chu ni thum neih a nih hnuah nimin tlai khan khar a ni ta a, Tripura Camp-ah hian Mizoram-a vote nei thei mi 11,243 awmin mi 7987 ten vote hi an thlak a, hei hi 71.04% a ni. Election thu-neitute chuan vote tla zat hi ennawn leh a nih avangin tihsual palh a awm a nih chuan vote tla zat hi ala dang-lam thei niin an sawi a ni.

Hmuncheng-ah In 2 kang
@@ Champhai District chhung Khaw-zawl a\anga KM 15 vela hla Hmun-cheng khua ah niminpiah April 3 khan chenna In pahnih a kang a, bungrua engmah chuh hman ni lovin mihring thi leh hliam erawh an awmlo. Heng In te hi Pu Lalhlimpuia leh a fapa, Pu Vanhlunpuia te In niin Pu Lalhlim-puia te In hnuai hi Pu Lalchawimawia ten luahin hemi a\ang hian kangmei hi a in\an nia hriat a ni a, In dang a kangkai tur erawh an veng thei a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai