Bawnghnute pack buktlinglo MULCO in sawifiah.

Mizoram Milk Producers’ Co-operative Union Ltd. (MULCO) chuan ni 24.4.2014 (Ningani)-a MULCO Bawnghnute buktlinglo chungchanga PRISM ten Legal Metrology hotute nena Press mite hmaa thu an puan chu a sawifiah.
Hemi chungchanga MULCO in thuchhuah an siam ah chuan Bawnghnute rate litre khata Rs. 40 ni \hin chu Nov. 1, 2013 khan Rs. 45/- ah tihsan niin Bawnghnute standard packing hi 500ml a nih thu an tarlang a. Standard packing ang kalpui dawn chuan packet khat man hi Rs. 22.50 niin Pawisa nawi kir thu ah harsatna a awm \hin avangin bawnghnute zuartu leh mipuite tan a awlsam zawk nan packet khat Rs. 20 manin siam a nih thu leh Packet khatah hian bawnghnute 445 ml thunin hetianga kalpui hma hian mipui hriat turin TV kaltlanga puanzar a nih thu an tarlang a. Hei bakah hian Bawnghnute pack-na polyfilm chu chhut (print) sa vekin phailam a\anga leiin vawikhatah kum khat daih te lei \hin a nih thu tarlangin, ‘Tuna stock kan neihsa zawng zawng hi 500 ml in chhut (print) sa vek a ni a. Polyfilm thar kan la lei mai theih loh avangin kan stock neihsa hi kan la hmang zel a, chuvangin a pawna inziak leh a chhunga bawnghnute awm zat hi a inmil theilo a ni.’ an ti a.
    Hetiang anih avang hian mipuiin an hriatthiam theih nan TV kaltlangin November 2013 khan puanzar a nih thu leh hemi bakah hian bawnghnute zuartu zawng zawng pawh mipui, an hnen a\anga bawnghnute leitute hrilh hre tura hriattirna pek an ni bawk tih an tarlang a, a packet pawnah hian 500 ml tih chhut nimahsela, a chhunga bawnghnute awm zat chu 445ml niin Packet khat man hi litre-ah Rs. 45/- a chhutin Rs. 20/- man a nih thu an tarlang a. Bawnghnute pack-na khawl (Packing Machine) hi darkar khata packet 4000 pack thei a nih thu leh minute khatah packet 66 vel a chhuak thei tih pawh tarlangin, packet zawng zawng hi teh/buk kim vek sen a ni lova. A tling chiah tura khawl siamrem (adjust) reng a ni chung pawhin Power supply mumal lo (voltage hniam leh sangte) leh engemaw thildang avangte pawhin a packet hi a inang vek lo \hin tih tarlangin, an bawnghnute packet zawrh chhuah chin erawh hi chu a tling pangngai veka ngaih a nih thu tarlangin, hetiang anga ngaih sual theih thil a awm chu pawi an tih thu an tarlang bawk.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.