Aizawl District SP in EVM tih chingpen nia sawi chungchang an chhuina a puangzar.

Aizawl District Superintendent of Police (SP) Office chuan nimin khan thuchhuah siamin EVM tih chingpen nia sawi chungchang Police te chhuina a\anga an thil hmuh chin te a tarlang. 
Aizawl Distric Superintendent of Police hian nimin khan Press Release siamin tunlai Mizo mipui ti chiai a, Law and Order a harsatna hial kan neih phahna, EVM tihchingpen chung-changa inpuhna chu Mizoram Police ten ngawrh tak leh uluk takin an chhui tih a tarlang a. Hemi chungchang kaihhnawih a Pu K. Chhawn\huama kaihza vengtu hnai tak, R. Lalmuanhlua (31) S/o R. Vanlalliana, Durtlang Mual Veng, ‘Tala’ chhutchhiat recover-na-ah pawh tel ve ngei chu uluk taka examine anih hnuin leh evidence dang awm thei apiang lak khawm anih hnuin heta an thil hmuh dan hi tarlangin, ‘Pu K. Chhawn\huama, KV Multipurpose School neitupa in EVM tihchingpenna khawl a sawi, ‘khawl ropui’ a tih mai hi thil awm lo, phuahchawp mai a ni,’ a ti a. Vai Scientist ropui tak, radio waves leh microchips hmanga EVM chhunga vote tla te khawih danglam thiam a tih hi mihring awm niin a lang lo tih tarlangin, Pu K. Chhawn\huama, bumna chitin reng hmanga a rilru hruai sualtu, Michael Chhakchhuak inti, a hming tak, C. Lalbiakmawia (31), S/o C. Kapthanga (L), Lunglei Pukpui mi leh sa, engemaw chen Computer thiamna nei ve ni a hriat a nih thu leh amah hi Lunglei Police Station Case No.43/2011, dt.18/3/2011 u/s 420/468 IPC hnuaia thubuai nei mek in a phuahchawp nia a lan thu a tarlang a ni.
    Hei bakah hian Aizawl SP thuchhuah chuan Michael Chhakchhuak inti hian sum engemawzat (cheng nuai sawmpasarih vel), Pu K. Chhawn\huama hnen a\anga laksakin, hemi hu tawk ang phuahchawp information awih-awm taka sawiin, Pu K. Chhawn\huama hi a hrilh \hin niin a tarlang a, EVM tihchingpen kaihhnawiha case hial lo awrh tawh, K. Chhawn\huama chuan bumna ‘theory’ hi a bo a bang awm lovin thudikah ngaiin press media kaltlangin a puang chhuak ta mai niin a lang tih a tarlang a. Pu K. Chhawn\huama bum a, thumak pui pui phuahchawp a Zoram mipuite chawkbuaitu, Michael Chhakchhuak inti leh a sangawizawnpui te hi tute nge an nih hriat an nih tawh thu leh an awmna chin hriat a la nih mai loh avangin anmahni man tur leh thu chiang zawk hailang tur hian Mizoram Police ten theihtawp an chhuah mek thu pawh he thuchhuah a hian tarlan a ni bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai