ZNP, BJP leh HWC thawkho dawn

ZNP President, Pu Lalduhoma chuan MP inthlanpui neih turah Mzioram-a eptu pawl te thawh-hona, United Democratic Front chhuahsanin BJP leh Hmar Welfare Committee nen thawhhona thuthlung an ziak tih a sawi.

ZNP President hian thuthar theh-darhtu \henkhat ten an kawmna ah he thu hi sawiin, Lok Sabha inthlanpui, Assembly by-election leh AMC by-election hmachhawn turin Mizorama eptu party te’n thawhho tumin \an la mah se,  thil a kal tluan viau laiin candidate chungchangah thu mum an neih theih loh avangin an party chuan BJP leh Hmar Welfare Committee te chu thawhhona thu thlunpuiin, Lok Sabha inthlanpuiah hian NDA an thlawp dawn niin a sawi a. An party thuneitu sangin a rel angin Assembly by-election leh AMC by-election chu a hmaa lo inhlawm khawm tawh, Mizoram Democratic Alliance lamin candidate chang se, Lok Sabha candidate chu an party in chang se an tih chu UDA \hut khawmnaah party dangin an remtih loh avangin MP inthlanna neih turah BJP leh HWC te nen inremna an siam tih a sawi bawk.