Zirlai Nu leh pa Chi-ai lo turin ngen

Mizoram sorkar-a School Education Department chuan thuchhuah siamin HSLC Examination 2014 chung-changah zirlai nu leh pa te tumah lo chiai lo turin a ngen.
Hemi chungchang ah Director, School Education Department in thuchhuah siama a tarlan danin kum 2014 HSLC Examination tikhaihlak zawnga Mizoram Secondary School Teachers Association (MISSTA) in hma ala chu Department chuan pawi a ti hle tih tarlangin, hemi avang hian March 3, 2014-a Answer paper endik tura ruahman pawh a nih tur angin a kal thei lo tih a tarlang a. He harsatna sutkian nan hian sorkar in ruahmanna a siam nghal tih pawh tar-langin, HSLC Exam mek zirlai naupangte  an kal zelna tur (an career) atana exam pawimawh tak an neih leia hetianga thil lo thleng hi Department chuan pawi a ti tih a tarlang bawk. Hei bakah hian thuchhuah chuan Examination atana duty tura ruat, duty lo hi Section 8 & 9 Prevention of Malpractices at Examination Act 1990 leh Mizoram Board of School Education (Management of Examination) Regulation 1991 para 37 bawhchhiatna a ni tih pawh a tarlang bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai