Vawiin ah Assembly Session \an dawn

Mizoram Legislative Assembly Budget Session chu Vawiin hian neih \an a ni dawn a, naktip Ningani thlengin neih a ni ang.
Vawiin a Mizoram Legislative Assembly Budget Session neih turah hian ruahman lawk ang chuan Session \an Ni hian Mizoram Larsap, Pu Vakkom Purusothaman chuan House chhungah thu a sawi anga, Governor thusawi chungchanga lawmthu sawina Motion pawh Vawiin vek hian putluh nghal a ni ang. Hei bakah hian hundanga tih ngailoh ang takin Vawiin vek hian Finance Minister, Pu Lalsawta chuan sorkar kum kallai atana sum indaihlohna phuhrukna tura sum dil belhna Supplementary Demand leh thla li chhung sumhman tur dilna Vote-on-account a phar nghal dawn a ni. Naktuk ah Session hi chhunzawm leh tura ruahman niin hetah hian zawhna leh chhanna hun hman a nih dawn bakah Governor thusawi chungchanga lawmthu sawina Motion chu sawiho tura ruahman a ni a. Session tawp Ni, naktip-ah chuan zawhna leh chhanna hun hman a nih bakah Supplementary Demand leh Vote-on-account hi sawi hova pawm nghal tum a ni dawn a ni. Assembly rorel dan tur duangtu Business Advisory Committee (BAC) chuan tun \um Assembly inkhawm hi March ni 18 a\anga April 3 thlenga \hu turin ruahmanna a siam vek tawh a. Mahse, Lok Sabha inthlanpui puan a nih leh tak avangin sorkarin thutlukna lian tham a siam a rem ta lova; chuvangin sorkar a\anga dan siam tur pawimawh awmte khawih a nih dawn tak loh avangin Assembly neih hun tura ruahman tawh chu tihtawi a ni ta a ni.

Popular News

Mizoram-ah Faina Hapta hman \an leh a ni

Retailer bukna diklo 3 man