UDF in inthlanpui-a Candidate tur an tifel dawn hnai?

Lok Sabha inthlanpui neih tur leh Hrangturzo Assembly by-election neih turah Mizoram-a eptu party \henkhat thawhhona tur, United Democratic Front (UDF) chuan an candidate tur an tifel hnai ni a thudawn a ni.
Thudawnna in a tarlan danin, MNF, MPC leh MDF-in an din, United Democratic Front (UDF) hian Mizoram Lok Sabha inthlanpuiah Pu Robert Romawia Royte, Chhinga Veng chu an chuhtir dawn niin a tarlang a, Hrangturzo Assembly by-election ah bialtu MLA hlui, Pu Lalthansanga chu an candidate tur niin a tarlang bawk a ni. Hetihlai hian UDF in Lok Sabha inthlana an Candidate tura an sawi, Pu Robert Romawia Royte hian thuchhuah siamin Party hrang hrang \angrual hian mipui Candidate-a Independent-a ding tura an sawm thu tarlangin, Recognised party-ZNP, MNF, MPC, MDF, BJP, NCP, HPC (Registered) leh an thawhpui ten lungrual taka an pui dawn a nih chuan an sawmna hi pawm a tum thu leh tlin ngei tuma a beih tur thu a tarlang bawk.
    Hetianga boruak a awm chhoh mek lai hian nimin khan UDF hi \hukhawmin he inthlanna neih tura Candidate atana an hual, Pu Robert Romawia Royte in chanchinbu hrang hranga thuchhuah a siam chu an pawmpui tih an sawi a, he \hutkhawm kaihruaitu Dr. R. Lalthang-liana chuan MP inthlanna leh Hrangturzo bial bye-election neih tura an Candidate turte hi chiang takin sawi theih la nilo mah se naktuk (Nilaini) khi chuan puan hman an inbeisei tih an sawi a, ZNP pawh heng inthlanna hmachhawn dan tur hi sawipui leh tura an sawm thu a sawi bawk. Hetihlai hian ZNP President, Pu Lalduhoma chuan UDF hnuaia thawkho tur hian inbiakna neih chu an la inpeih reng tih sawiin, amaherawh chu an party in thutlukna mumal tak an siam tawh chu an sawhsawn theilo tih a sawi bawk.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn