Tripura-a Tuikuk te vote thlak dan tur ruahmanna siam.

Election Commission of India chuan Tripura-a Tuikuk tlanchhia nia insawite tan an awmna Tripura Transit Camp-ah vote an thlak dan tur a ruahman.

Election Commission off India in ruahmanna a siam dan chuan Lok Sabha inthlanpui neih tura Tripura-a Tuikuk raltlan te vote thlak hi Mizoram sorkarin buaipui lovin, Tripura sorkarin a buaipui  dawn a, Mizoram a\angin a viltu tur Official 4/5 vel tirh a ni ang. Tuikuk te hian vote an thlak zawh veleh an Ballot Box chu Mizoram panpui nghal a ni ang. Mizoram a tlawmngai pawl hrang hrangte chuan Tuikuk te hi Tripura ah vote thlak tir tawh lova, vote an neih-na hmun Mizoram chhung ngeiah vote thlak tir tawh turin Election Commission ah ngenna an thlen a, Commission-in Home Ministry a biak rawn hnuah Home Ministry thurawn angin Tripura-ah vote thlak leh turin a ti ta a ni.  Hetihlai hian nikum Assembly inthlanna sum chungchang ah Joint Chief Electoral Officer, Pu H. Lalengmawia chuan nikum a Mizoram in MLA inthlan a an budget chu cheng vbc. 24.3 a ni tih thuthar lakhawmtute zawhna chhanga sawiin, motor hman man leh thildang ba an neih chu an pe zo tawh tih a sawi a, “Tun \um Lok Sabha inthlan a hman turin cheng vbc. 20 min pe leh a, MLA inthlan ai chuan a hautak lo deuh turah kan ngai a, kan daih theih mai kan beisei a ni,” a ti bawk.