Latest News

Tripura Transit Camp-a vote thlak duhlo; Inthlanpui boycott tintuah?

MZP Gen. Hqrs. chuan MP inthlanpui lo awm turah Tripura Transit Camp-a vote thlak tir tumna awm chu \halo an tih thu an sawi.
MZP hian nimin khan Aizawl a MZP Pisa pui-ah Executive Meeting neiin Tuikuk, anmahni duhthu ngei a Mizoram chhuahsan tute, Mizoram sorkar leh Mizoram mipui ten lo let tura kan ngen lawm lawm chung pawha lo lut duh lote an awmna hmun, Tripura Transit Camp ah tun MP (Lok Sabha) inthlan a Vote thlak tir tumna awm chu MZP chuan \ha a tilo tih sawiin, a tawp thleng a dodal an tum thu an sawi a. Hemi chungchang avanga Mizoram-a tlawmngai pawl hrang hrang ten tun thla ni 24-a Aizawl-a Protest Day hman an tum chu an thlawp tih an sawi bawk. Hetihlai hian Champhai-a Mizo Students’ Union (MSU) Federal Body Meeting pawhin Tuikuk, anmahni duhthu ngeia kum 1997-a Mizoram chhuah-santute an awmna hmun Tripura Transit Camp-a Election Commission of India-in Mizoram MP inthlan April ni 9-a neih turah vote thlaktir leh a tum chu Mizoram mipui leh sorkar zah lohnaah an ngai tih an sawi a. He thil hi Election Commission of India in a kaltlangpui dawn a nih chuan April 9, 2014-a Mizoram puma Lok Sabha inthlan neih tur chu boycott an tum tih tarlangin, hemi chungchang ah hian hmalak nghal nise an ti bawk a ni.

Comments

Popular News (Last 30 Days)