Thisen pek a \ul zia inzirtirna neih a ni. Mi zai thei awmloh vangin thisen mamawh a tlem!

Association for Voluntary Blood Donation (AVBD) Serchhip Branch buatsaihin Inrinni kalta (29th March, 2014) khan Serchhip-a CMO Conference Hall-ah midangte tana a thlawna thisen pek a pawimawh zia inzirtirna neih a ni.
AVBD Serchhip Branch buatsaih ‘Voluntary Blood Donation Motivation Campaign’ tia vuah Serchhip-a YMA Branch hrang hrangte tana midangte tana thisen pek a pawimawh zia inzirtirna hun hi Pu K. Tlangthanmawia, President, AVBD Serchhip Branch chuan kaihruaiin he hunah hian Dr. Lalhlunpuii, Medical Officer leh Tv. Zonunsanga Kawlni, Joint Secretary, AVBD te chuan thu sawiin thu sawitute chuan tunhma lamin Serchhip-a Blood Bank neih kan duh thu sorkar a kan thlen tih hlawhtlin a nih hnuah damlo ten an mamawh huna an hman tur thisen Blood Bank-ah a awm reng theih nan thisen pek chu mitin te mawhphurhna a nih thu te, Mizoram District hrang hranga damlo a mamawh ten a thlawna an dawn tura thisen pek ah Serchhip damdawi In chu a sang pawl a nih thu te, sorkar kum kal mek (2013-2014) ah Serchhip Blood Bank-ah thisen Unit 638 pek a nih tawh thu te, Serchhip damdawi In ah Surgeon leh Gynea an awmloh avangin thisen mamawhna san loh thu leh amaherawh chu he Blood Bank hi Serchhip District pum chawmtu a nih avangin thisen hi thlatin Unit 30 vel mamawh reng a nih thu te sawiin, Blood Bank-a thisen hman tur awm reng chu damlote tan a pawimawh avangin tlawmngaia thisen pek zel a pawimawh thu te an sawi a. Malaria tam hun a thlen leh dawn avangin thisen mamawhna hi sang leh thei a nih thu leh hei vang hian thisen pek chu uar deuh deuh a \ul thu te an sawi bawk.
    Inrinni a a he hun hmanna ah hian Pu Rualkhuma, Treasurer, AVBD Serchhip Branch in inlawmna thu sawiin, Pu C. Zakunga, Secretary, AVBD Serchhip Branch in an pawl indin dan leh hma an lak dan te a sawi a. Chawhnu lamah kum 2014-2016 chhunga an pawl hruaitu tur thlanna neiin President-ah Pu K. Tlang-thanmawia, Bazar Veng, Vice President-ah Pu Zolianmawia, Serchhip Vengchung, Secretary-ah Pu C. Zakunga, S. P&E Veng, Joint Secretary-ah Tv. Zonunsanga Kawlni, S. Chanmari Veng, Treasurer-ah Tv. TC. Lalrinnunga, S. P&E Veng leh Fin. Secretary-ah Tv. Saingura Sailo, S. Dinthar Veng te an thlang bawk a ni. He hun hmanna ah hian Serchhip khawpui chhunga YMA Branch hrang hrang a\angin aiawh 2 an tel a ni.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni