PRRS natna avangin Mizoram-ah Vawk note engemaw zat thi.

Vawk natna chikhat Porcine Respiratory & Reproductive Syndrome (PRRS) vangin vawk note thi engemaw zat a awm a, vawk pui erawh thi an la awmlo thung.
AH&Veterinery Department-a Deputy Director, Dr. Chhetri chuan Aizawl-a thuthar thehdarhtu \henkhat te zawhna chhangin, "PRRS hi mihring tan chuan a hlauhawm lova. Kan \henawm Myanmar ah he natna hi a leng reng a, an ram a\anga vawk kan lakluh reng chuan he natna hi kan lalut reng tihna a ni dawn a, chuvangin kan himna atan Myanmar a\anga vawk kan lakluh hrihloh hi a \ha ber a. Sorkar lam chuan theihtawp chhuah mah ila mipuiin min thlawp \hatloh chuan awmzia a nei lo a,” a ti. PRRS natna hi Kolasib tihloh district dangah chuan hmuh vek a ni. AH & Veterinery department thawktu te chuan PRRS natna hi umbo tumin bei mahse a harsa hle tih an sawi a. Vawkpui thi te hi central in vawkpui pakhat zelah Rs. 1000/- leh state in Rs.1000/- bawk zangnadawmna (compensation) a pe thei a. Vawkpui pakhat hi Rs. 30,000/- a\anga Rs. 40,000/- te anih avangin zangnadawmna an dawn tur zat hi a tlem lutuk a, thiltih a buaithlak thin niin an sawi a. A chanve tal compensate thei ila chuan he natna hi a ziaawm theih deuh kan beisei a ni, an ti bawk. Hetianga \henawm rama PRRS a len reng avang hian tunhnai khan Mizoram District hrang hranga District Magistrate te chuan \henawm ram a\anga Vawk leh a kaihhnawih thildang lakluh khapna thupek an chhuah a ni.

Popular News

Mizoram-ah Faina Hapta hman \an leh a ni

Retailer bukna diklo 3 man