Pawisalem kaihhnawih ah Retailer enkawltu man a ni.

Lungsen Police te chuan Zirtawpni khan Putlungasih khuaa Retailer, A. Lalbiaksanga hnen a\angin cheng 500 note lem 82 an man a, a kawltu leh neitu nia hriat hi man nghal a ni.
Thudawnna in a tarlan danin Lalbiaksanga chuan, heng pawisa note lem te hi nikum daih tawha a neih a ni a, nikum June thla a Hazacherra Refugee camp-a a puzawn a tlawh \umin a chhungkhat laina hnai, Vanlalbiaka chuan cheng 500 note lem awmna a hriat thu leh a duh chuan cheng 500 note lem sing 5 chu India pawisa cheng sing 1-in Kaskaupara-a Refugee Camp-a awm mi pakhat hnen a\angin a lei theih tih a hrilh a, Lalbiaksanga chuan note lem neitu chu a be pawp a, note lem neitu hnen a\ang chuan a lei\a niin a sawi a ni. Heng note lemte hi hmang chhuak ngam mai lovin, tlem te tein Putlungasih Kudam a\anga buhfai khul nan a hmang \hin a, Putlungasih Storekeeper in buhfai leina sum Lunglei State Bank-a a dah luh a\angin he pawisa lem hi hmuhchhuah a ni a, Bank in FIR an thehluh a\anga chhui zelin Police te chuan A. Lalbiaksanga hmanchhuah niin an chhui chhuak a ni.

Popular News

Mizoram-ah Faina Hapta hman \an leh a ni

Retailer bukna diklo 3 man